ჩაფიძის კლინიკის ექიმის განცხადებით, „მედკაპიტალის“ გარდაცვლილ ექიმს დაბადებიდან ჰქონდა ხერხემლის და გულმკერდის მკვეთრი ანომალია და ხშირად გადიოდა სტაციონარულ მკურნალობას

პროფესორის, ჩაფიძის კლინიკის პულმონოლოგის, თამაზ მაღლაკელიძის განცხადებით, „მედკაპიტალის“ გარდაცვლილ ექიმს დაბადებიდან ჰქონდა ხერხემლის და გულმკერდის მკვეთრი ანომალია და ის ხშირად გადიოდა სტაციონარულ მკურნალობას.

როგორც მან ჟურნალისტებთან საუბრისას განაცხადა, პაციენტი ჟანგბად დამოკიდებული იყო.

„პაციენტი ჩვენს კლინიკაში შემოვიდა პარასკევს. სასწრაფო დახმარების მანქანით გადმოყვანილი იქნა სუნთქვის, გულის უკმარისობით, ქრონიკული პაციენტია, ადრეც მკურნალობდა ჩვენთან. დაბადებიდან ჰქონდა ხერხემლის და გულმკერდის მკვეთრი ანომალია, აქედან გამომდინარე, ჩამოყალიბდა ის დაავადებებიც, რომელიც შემდგომში განუვითარდა. ეს იყო ფილტვის დაავადება, კერძოდ, ფილტვის ქრონიკული ობსტრუქციული დაავადება, ფილტვის ფიბროზი, გულის დაავადებები.

პაციენტის მდგომარეობა ქრონიკული გახდა, რის შემდეგადაც, ხშირად მკურნალობდა სტაციონარებში, ჟანგბად დამოკიდებული იყო, ჟანგბადის მიწოდების გარეშე ჟანგბადის პარციალური წნევა სისხლში მკვეთრად ვარდებოდა, რის შედეგადაც ვითარდებოდა მწვავე სუნთქვითი უკმარისობა. მუდმივად ხმარობდა ჟანგბადის კონცენტრატორს“,- აცხადებს თამაზ მაღლაკელიძე.

კითხვაზე, რამდენად უკავშირდება ექიმის გარდაცვალება კორონავირუსის ვაქცინაციას, თამაზ მაღლაკელიძე განმარტავს, რომ ეს „აბსურდული ვერსიაა“. როგორც ის აცხადებს, ქრონიკულ პაციენტს ვაქცინა დაავადების რემისიის ფაზაში უნდა ჩაუტარდეს.

„ქრონიკული დაავადებების პაციენტს შეიძლება ვაქცინა გაუკეთდეს, ქრონიკული პაციენტები პირიქით საჭიროებენ ამ აცრის გაკეთებას, რომ არ დაავადნენ და კიდევ უფრო არ დაუმძიმდეთ დაავადება.

ქრონიკულ დაავადებას აქვს რემისიის და გამწვავების ფაზა. ალბათ, რემისიის ფაზა ჰქონდა და გაუკეთეს, გამწვავების ფაზაში, როდესაც სიპაპზეა, იქ აზრი არ აქვს“,- აცხადებს თამაზ მაღლაკელიძე.

ამირან სალუქვაძე - მოახლოებული არჩევნების მნიშვნელობა გაიზარდა, საკმაოდ დაძაბული ბრძოლის მომსწრე ვიქნებით და იმედია, არჩევნების შემდეგ დასავლეთის ხელახალი დახმარება არ დაგვჭირდება
ქართული პრესის მიმოხილვა 22.04.2021
ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
USAID-ის სოფლის მეურნეობის პროგრამის საგრანტო კონკურსის მონაწილეებს "ფინკა ბანკი" თანადაფინანსების სპეციალურ პირობებს სთავაზობს
"ჯივიესის" ახალი შენაძენი რაჭაში
„პერსონალური მენეჯერი“ - სრულიად ახალი სერვისი “პსპ დაზღვევისგან”
ხვალ გაიმართება ფორუმი მზის ელექტროსადგურის სარგებლიანობის შესახებ - „მდგრადი ინვესტიცია და ბიზნეს სარგებელი“
"ბადაგონის" გამარჯვება საერთაშორისო კონკურსზე
განათლების ვირტუალური გამოფენა საზღვარგარეთ სწავლით დაინტერესებულთათვის
"ლიბერთი ბანკისა" და "ევექსი კლინიკების" პარტნიორობა კიდევ უფრო მასშტაბური ხდება
დისტანციური ავტოსესხი „ემბისისგან“ - ინოვაციური სერვისი ქართულ მიკროსაფინანსო ბაზარზე