აქტივისტებმა სასტუმრო „რუმსთან“, სადაც ვლადიმერ პოზნერი სტუმრებთან ერთად იმყოფება, ტორტი მიიტანეს

სამოქალაქო აქტივისტებმა სასტუმრო „რუმსთან“, სადაც რუსი ჟურნალისტი ვლადიმერ პოზნერი თანმხლებ პირებთან ერთად იმყოფება, ტორტი მიიტანეს, რომელზეც პროტესტის ნიშნად უცენზურო შინაარისის წარწერა არის დატანილი.

აქტივისტების განმარტებით, ამ ტორტით და პერფორმასით პოზნერს დაბადების დღეს ულოცავენ.

აქტივისტებს ამ ტორტის მიატანა სასტუმროს ტერიტორიაზე სურდათ, თუმცა ამის საშუალება ადგილზე მობილიზებულმა სამართალდამცველებმა არ მისცეს.

აქტივისტი გიგა მაქარაშვილი ითხოვს, პოლიციამ განუმარტოს, რა კანონს არღვევს, რაზეც პოლიციამ განუცხადა, რომ შეინარჩუნოს სიმშვიდე და დაიცვას საზოგადოებრივი წესრიგი.

აქტივისტებმა სასტუმროში ტორტის შეტანა ვერ მოახერხეს და ის მიმდებარე ტერიტორიაზე დატოვეს, სადაც სამართალდამცველები არიან განლაგებული.

შეგახსენებთ, ვლადიმერ პოზნერი საქართველოში 31 მარტს ჩამოვიდა. მის ვიზიტს საქართველოში სამოქალაქო აქტივისტების პროტესტი მოჰყვა, რომლებსაც მოგვიანებით, პოლიტიკოსებიც შეუერთდნენ. პოზნერს სასტუმრო "ვინოტელის" დატოვება, სადაც ის სტუმრებთან ერთად ვახშმობდა, პროტესტის ფონზე, პოლიციის კორდონის საშუალებით, მოუწია. სასტუმრო "ვინოტელი" კი შრომის ინსპექციის სამსახურმა აკრძალული საქმიანობის განხორციელებისთვის, 10 000 ლარით დააჯარიმა.

ვლადიმერ პოზნერი და მისი სტუმრები სასტუმრო "რუმსში" არიან დაბინავებული. "რუმსის" ტერიტორიაზე კვლავ რჩებიან აქციის მონაწილეები. აქციის მონაწილეების თქმით, პოზნერი არის განცხადების ავტორი, რომლის თანახმადაც "აფხაზეთი არასდროს იქნება საქართველოს ნაწილი", რითაც მან საქართველოს ტერიტორიულ მთლიანობას შეურაცხყოფა მიაყენა და მან საქართველო უნდა დატოვოს. ამასთან, აქტივისტები აცხადებდნენ, რომ პოზნერმა და მისმა სტუმრებმა ე.წ. კომენდანტის საათი დაარღვიეს.

ემილ ავდალიანი - სამხრეთ კავკასიის რეგიონმა დიდი ძალების მეტოქეობის ხანაში შეაბიჯა, დღეს თამაშის ახალი წესები ყალიბდება,  მტკივნეული და გარდამავალი პერიოდია
ქართული პრესის მიმოხილვა 14.04.2021
როგორ ჩატარდება ერთიანი ეროვნული გამოცდები? - შარშანდელ რეკომენდაციებში შესაძლოა, კორექტირება შევიდეს - ინტერვიუ სოფიო გორგოძესთან
გიორგი კეკელიძის ახალი ინიციატივა: აპრილი წიგნის ჩუქების თვედ გამოცხადდეს
თანაბარი განათლება მაღალმთიანი სოფლების ბავშვებს
ვასილ ხოდელი - ლიბერთის ნებისმიერი სესხი გაიცემა საბაზრო პირობებით