გიგი წერეთელი ფინანსთა მინისტრის გადადგომაზე - შესაძლებელია გუნდიდან გასვლა შიდა დაპირისპირებებს უკავშირდებოდეს

შესაძლებელია გუნდიდან გასვლა შიდა დაპირისპირებებს უკავშირდებოდეს,- ამის შესახებ „ევროპული საქართველოს“ ერთ-ერთმა ლიდერმა გიგი წერეთელმა განაცხადა, რითაც ფინანსთა მინისტრის, ივანე მაჭავარიანის თანამდებობიდან გადადგომის საკითხს გამოეხმაურა.

მისი თქმით, პარტია „ქართულ ოცნებიდან“ წევრების გადინების პროცესი დაწყებულია.

„ეს არ არის მარტო ის, რომ შიდა ბრძოლა და გადაჯგუფებები მიმდინარეობს, მთავარი მიზეზია ის კრიზისი, რომელიც ქვეყნის პოლიტიკურ ნაწილშია. ასევე, ეკონომიკურ ნაწილში, პანდემიასთან ბრძოლის თვალსაზრისით. ამის ყველაზე კარგი მაჩვენებელი და ინდიკატორია ლარის კურსი. ეს მდგომარეობა ჩვენი მოსახლეობისთვის ყოველდღიურად მძიმდება, აისახება ფასებზე და გაუსაძლის ცხოვრებაზე. ეს არის გამოვლინება კრიზისისა და უპასუხისმგებლობის. მაშინ, როდესაც მიმდინარეობს დაპირისპირებები სახელისუფლებო გუნდში, არის განაცხადი, რომ გიორგი გახარიაც პარტიის შექმნას იწყებს, კიდევ არის სხვა ჯგუფები. შესაძლებელია გუნდიდან გასვლა უკავშირდებოდეს სწორედ ამ გადაჯგუფებას და შიდა დაპირისპირებას“,-განაცხადა გიგი წერეთელმა.

ცნობისთვის, 31 მარტს ფინანსთა მინისტრმა ივანე მაჭავარიანმა თანამდებობა დატოვა. შესაბამისი განცხადება მან სოციალურ ქსელში გამოაქვეყნა. მაჭავარიანს თანამდებობის დატოვების მიზეზი არ დაუსახელებია, მაგრამ განმარტა, რომ პოსტიდან წასვლას ჯერ კიდევ გასული წლის ბოლოს გეგმავდა. თუმცა იქიდან გამომდინარე, რომ წინ იყო კრიზისული ბიუჯეტის დამტკიცების პროცედურა, ასევე, მნიშვნელოვანი მოლაპარაკებები საერთაშორისო სავალუტო ფონდთან პროგრამის დასრულების თაობაზე, გადაწყვეტილება რამდენიმე თვით გადადო.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„ელიტ ელექტრონიქსში“ iPhone 13-ის წინასწარი გაყიდვა დაიწყო
სამშენებლო გამოფენა და უძრავი ქონების ფორუმი - Caucasus Build ახალი კონცეფციით ბრუნდება
გლობალურმა ექსპერტმა კვების დარგში Herbalife Nutrition-მა თბილისში, ახალი ინოვაციური გაყიდვების ცენტრი გახსნა
„PSP ყველგან შენი ოჯახის გვერდით“ კამპანიის ფარგლებში მუხრანში ბრიტანული კონცეფციის აფთიაქი გაიხსნა
Bolt და Bolt Food პარტნიორი მძღოლებისა და კურიერების შვილებისთვის ახალ, საგანმანათლებლო პროგრამას იწყებენ