სომხეთის ეროვნულმა ასაბლეამ საკონსტიტუციო ცვლილებები დაამტკიცა.
ცვლილებები მომავალი არჩევნებისთვის სრულად პროპორციულ სისტემაზე გადასვლას ითვალისწინებს.
კანონპროექტს მხარი 82-მა დეპუტატმა დაუჭირა.
პროცედურულად, კანონის ამოქმედებამდე, მას ხელი ქვეყნის პრეზიდენტმა უნდა მოაწეროს.
აქამდე არჩევნები სომხეთში შერეული - პროპორციული და რეიტინგული სისტემით ტარდებოდა.
შეგახსენებთ, სომხეთის პრემიერ-მინისტრმა ნიკოლ ფაშინიანმა განაცხადა, რომ ფორმალურად 20 აპრილიდან 5 მაისამდე პერიოდში გადადგება, ვადამდელი საპარლამენტო არჩევნების თარიღად კი 20 ივნისი დაასახელა.