„საქართველოს აღარ ჰყავს კაცი, რომელსაც ლიტერატურა ძლიერ უყვარდა“, - ამის შესახებ „ლელოს“ ლიდერი მამუკა ხაზარაძე გურამ დოჩანაშვილის გარდაცვალებასთან დაკავშირებით სოციალურ ქსელში წერს.
მისივე თქმით, დღეს დოჩანაშვილის დიდი ეპოქა დამთავრდა.
„ის იყო ადამიანი, რომელმაც შექმნა ეპოქა. მისი უკვდავი შემოქმედება საუკუნეებს გაჰყვება. მისი წასვლა სულისშემძვრელი და ტრაგიკულია. დღეს დოჩანაშვილის დიდი ეპოქა დამთავრდა...
ის იყო ჩემი მეგობარი და მოუშუშებელი იარა დატოვა, როგორც ჩემს ისე ყველა ქართველის გულში...
საქართველოს აღარ ჰყავს კაცი, რომელსაც ლიტერატურა ძლიერ უყვარდა“, - წერს მამუკა ხაზარაძე.