ესპანეთის პოლიციამ ნარკოტიკების კონტრაბანდაში ჩართული ჯგუფის 100-მდე წევრი დააკავა. ესპანეთის პოლიციის განცხადებით, კონტრაბანდისტებს ჰაშიში და მარიხუანა მაროკოდან ესპანეთში ჩქაროსნული კატერებით გადაჰქონდათ.

სამართალდამცავი უწყების ცნობით, რეიდების განმავლობაში პოლიციამ 5 ტონაზე მეტი ჰაშიში და 230 კილოგრამზე მეტი მარიხუანა ამოიღო. ბანდის წევრების ნაწილი კატერების საწვავით მომარაგებაზე ზრუნავდა, ნაწილი კი ნარკოტიკებს ხილის გადამზიდ სატვირთოებში მალავდა, რათა შემდგომ ევროპაში დილერებისთვის მიეწოდებინათ.

100-ვე ეჭვმიტანილი სასამართლოს წინაშე წარდგება.