დღეს კათოლიკური სამყარო უდიდეს ქრისტიანულ დღესასწაულს, იესო ქრისტეს ბრწყინვალე აღდგომას ზეიმობს.

მარიამ ღვთისმშობლის ამაღლების თბილისის კათოლიკურ ტაძარში საზეიმო წირვა ტაძრის მღვდელმსახურმა, მამა ზურაბ კაკაჩიშვილმა აღავლინა. ამის შესახებ ინფორმაციას, რელიგიის საკითხთა სახელმწიფო სააგენტო ავრცელებს.

მათივე ცნობით, წირვას რელიგიის საკითხთა სახელმწიფო სააგენტოს სტრატეგიული კვლევის, ანალიზისა და რეგიონების სამსახურის თანამშრომლები, სოსო ფარულავა და ზვიად ტყაბლაძე ესწრებოდნენ.