თბილისში, გლდანის ხიდებთან მსუბუქი ავტომობილი ავტობუსს დაეჯახა. შემთხვევის შედეგად ერთი ადამიანი მსუბუქად დაშავდა.

როგორც „ინტერპრესნიუსს“ შს სამინისტროს პრესსამსახურიდან აცნობეს, მომხდარ ფაქტზე გამოძიება სსკ-ის 276-ე მუხლის მე-2 ნაწილით მიმდინარეობს, რაც მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.