საქართველოში Apple-ის და Xiaomi-ის ოფიციალური პარტნიორი კომპანია „აიპლიუსი" აპრილის თვიდან მომხმარებლებს Xiaomi-ის პროდუქციის განახლებულ ასორტიმენტს სთავაზობს. როგორც „ინტეპრესნიუსს” „აიპლიუსიდან“ აცნობეს, ჭკვიანი სახლის მოწყობილობების შეძენას აიპლიუსში საქართველოში ყველაზე დაბალ ფასად შეძლებთ.

"თანამედროვე ტექნოლოგიების სწრაფი განვითარების შედეგად ბაზარზე საკმაოდ მოთხოვნადი და პოპულარული გახდა ჭკვიანი სახლის აქსესუარები, რაც უფრო გვიმარტივებს და გვიმსუბუქებს ცხოვრებას. ჩვენ როგორც Xiaomi-ის პარტნიორი კომპანია, გადავწყვიტეთ ჭკვიანი სახლის აქსესუარების ქსელის გაფართოება და ტრადიციულად ახალ პროდუქციას საქართველოში ყველაზე დაბალ ფასად შემოგთავაზებთ. Xiaomi-ის პროდუქციის შეძენას 39 ლარიდან შეძლებთ. დაგვემატა ისეთი საჭირო ნივთები როგორიცაა ჭკვიანი მტვერსასრუტი, სანათები, ყურსასმენები, ჰაერის გამწმენდები, Wi-Fi-ის გამაძლიერებელი როუტერები, სკუტერები და სხვა," - აცხადებს კომპანიის Xiaomi-ის პროდუქციის გაყიდვების მენეჯერი ფატი გობაძე.

აღსანიშნავია, რომ 10 აპრილიდან კომპანიაში მოეწყობა სპეციალური Xiaomi-ის კუთხე, სადაც თქვენთვის სასურველი პროდუქციის დატესტვას და ახლოდან გაცნობას შეძლებთ.