გია გაჩეჩილაძე - რაც შეიძლება სწრაფად უნდა დავამთავროთ „ნაცმოძრაობის“ პროვოცირებული და „ქართული ოცნების“ უსუსურობით შექმნილი პოლიტიკური მოცემულობა

დღეს „ქართული ოცნება“ ცდილობს „ნაციონალების“ გაკოტრებული, რადიკალური და კრიმინალური ჯგუფი ძალით შეინარჩუნოს პოლიტიკაში, რათა ხელისუფლებაში ყოფნა გაიხანგრძლივოს, - ამის შესახებ მომღერალმა გია გაჩეჩილაძემ (უცნობი)დღევანდელ პრესკონფერენციაზე განაცხადა.

მან მადლობა გადაუხადა დღეს „საქართველოს მარადისობის დღის“ დაფუძნების დღესთან დაკავშირებით შეკრებილ მოქალაქეებს და აღნიშნა, რომ ქართული სახელმწიფოებრიობის რღვევის პროცესი უნდა შეჩერდეს.

„მადლობა საზოგადოებას, თითოეულ იქ მოსულ ღირსეულ ადამიანს. ძალიან დიდი ნაბიჯი გადაიდგა ამ საშინელების დასრულებისკენ, რაშიც დესტრუქციული და რევანშისტული ძალები გვაცხოვრებენ, სხვათაშორის „ქართულ ოცნებასთან“ ერთად, რომელმაც 9 წელი ვერ შეძლო ხალხის მთავარი დაკვეთის შესრულება და საზიზღარი „ნაციონალური მოძრაობის“ პოლიტიკიდან გაშვება. „ქართული ოცნება“ მოწყდა ხალხს და საზოგადოებას. დღეს იგი ცდილობს „ნაციონალების“ გაკოტრებული, რადიკალური და კრიმინალური ჯგუფი ძალით შეინარჩუნოს პოლიტიკაში, რათა ხელისუფლებაში ყოფნა გაიხანგრძლივოს. ჩვენთვის მიუღებელია, როცა „ქართული ოცნება“ თავის მართლების რეჟიმშია დასავლეთის იმ წარმომადგენლებთან, რომლებიც უსამართლოდ ითხოვენ კრიმინალების ციხეებიდან გამოშვებას და ნებისმიერ ფასად მათ პარლამენტში შეყვანას.

უნდა დავასრულოთ ეს მარაზმი, დავასრულოთ მუდმივი დესტრუქცია, სიძულვილის ქადაგება, მედიატერორი, დაანონსებული რევანშის მცდელობები, ბელადომანია, პოლარიზაცია და ხალხის ერთმანეთზე გადაკიდება, მანქურთიზაცია და თავგამოდებული ბრძოლა ქართულ იდენტობასთან, ღირებულებასთან, ღირსებასთან, ეკლესიასთან, პოლიციასთან. რაც შეიძლება სწრაფად უნდა დავამთავროთ „ნაციონალური მოძრაობის“ პროვოცირებული და „ქართული ოცნების“ უსუსურობით შექმნილი პოლიტიკური მოცემულობა. ჩვენ, ხალხმა და საზოგადოებამ უნდა ავიღოთ პასუხისმგებლობა ქართული პოლიტიკის გაჯანსაღებაზე, იმაზე, რომ პოლიტიკოსები გავხადოთ ქვეყნის მსახურები და ჩვენს წინაშე ანგარიშვალდებულები. ჩვენ უნდა შევაჩეროთ ქართული სახელმწიფოებრიობის რღვევის პროცესი“,-განაცხადა გაჩეჩილაძემ.

რაც შეეხება საზოგადოების მოსაზრებას, რომ დღევანდელი შეკრება უკავშირდება „ქართულ ოცნებას“, გია გაჩეჩილაძე ასე პასუხობს: "რა პასუხი მექნება? ადამიანი შიზოფრენიკი უნდა იყო, რომ ვერ ხვდებოდე - დამაჯარიმეს ვანდალიზმისთვის, წარმოგიდგენიათ? გრიბოედოვის ძეგლი გადაღებეს, ეწერა უშვერი სიტყვები და კაციშვილს არავინ დაუჯარიმებია. ჩემთან თანამშრომლობს „ქართული ოცნება“ თუ „ნაციონალურ მოძრაობასთან?" ეს რაზე მეტყველებს? ცოტა ლოგიკას ხომ უნდა მოუხმოთ. „ბერლინის კედელზე“ დავწერე „ღმერთი სიყვარულია“. სიყვარული დავწერე და ამაზე, ვანდალიზმისთვის მაჯარიმებენ“, - განაცხადა გია გაჩეჩილაძემ.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!