მთიანი ყარაბაღის კონფლიქტის თემაზე პარლამენტის თავდაცვისა და უშიშროების კომიტეტში დაზვერვის სამსახურის წარმომადგენლებს უსმენენ. ამავე სხდომაზე საუბარი გაიმართება უკრაინაში მიმდინარე პროცესებთან დაკავშირებით.
სხდომა მედიისთვის დახურულია.
„მთიანი ყარაბაღის სამშვიდობო შეთანხმების შედეგად, სამხრეთ კავკასიაში რუსული სამხედრო წარმომადგენლობა გაიზარდა, რაც საფრთხის შემცველია და გამოწვევას წარმოადგენს არა მხოლოდ საქართველოსთვის, არამედ მთლიანად რეგიონული უსაფრთხოებისთვის. ძალიან საინტერესოა დაზვერვის სამსახურის შეფასებები ამ საკითხზე. ასევე, ჩვენ გვაქვს კითხვები ბოლო დროს ჩვენს სტრატეგიულ პარტნიორ უკრაინაში განვითარებულ მოვლენებთან დაკავშირებით“, - განაცხადა კომიტეტის თავმჯდომარე ირაკლი ბერაიამ საკომიტეტო მოსმენის დაწყებისას.