სამოქალაქო აქტივისტები აფხაზეთის ავტონომიური რესპუბლიკის მთავრობის წარმომადგენელთან შეხვედრას ითხოვენ.
შეხვედრა სამოქალაქო აქტივისტებსა და აფხაზეთის ავტონომიური რესპუბლიკის მთავრობის წარმომადგენელს შორის 16:00 საათზე უნდა დაწყებულიყო.
სამოქალაქო აქტივისტები ამბობენ, რომ ამ დრომდე ოფიციალური პასუხი არ მიუღიათ, შედგება თუ არა შეხვედრა.
ცნობისთვის, სამოქალაქო აქტივისტები ოკუპირებული აფხაზეთიდან გადმოსულებისთვის 5 - დღიანი სავალდებულო კარანტინის გაუქმებას მოითხოვენ.
დღეს სამართალდამცველებსა და აქტივისტებს შორის დაპირისპირება მოხდა. სამოქალაქო აქტივისტები შენობაში შესვლას და აფხაზეთის ავტონომიური რესპუბლიკის მთავრობის წარმომადგენელთან შეხვედრას ითხოვდნენ, რისი უფლებაც სამართალდამცველებმა არ მისცეს.
აქციაზე 6 აქტივისტი დააკავეს.