პროკურორი - ნიკა მელიას მზაობის შემთხვევაში, უზრუნველყოს გირაოს პირობების შესრულება, ძალაში რჩება პროკურატურის შეთავაზება, მიმართოს სასამართლოს აღკვეთის ღონისძიების - პატიმრობის შეცვლის თაობაზე

ნიკა მელიას მზაობის შემთხვევაში, უზრუნველყოს გირაოს პირობების შესრულება, ძალაში რჩება პროკურატურის შეთავაზება, მიმართოს სასამართლოს აღკვეთი ღინისძიების - პატიმრობის შეცვლის თაობაზე , - ამის შესახებ პროკურორმა ამირან გულუაშვილმა ჟურნალისტებს განუცხადა.

"დღევანდელ სასამართლო პროცესამდე დაცვის მხარეს არ ჰქონია არანაირი მცდელობა, პატიმრობის გირაოთი შეცვლაზე ბრალდების მხარესთან დიალოგი ეწარმოებინა, - განაცხადა ამირან გულუაშვილმა.

მისი განმარტებით, იმისთვის, რომ ბრალდების მხარეს სასამართლოსთვის გირაოს გამოყენების შუამდგომლობით მიემართა, საჭირო იყო დაცვის მხარის მზაობა, რომ ისინი ამ თანხას გადაიხდიდნენ.

„კანონით გათვალისწინებული ვალდებულების შესაბამისად, მოსამართლემ საკუთარი ინიციატივით გადასინჯა აღკვეთის ღონისძიების საკითხი. როგორც მოგეხსენებათ, 17 თებერვალს ნიკანორ მელიას მიმართ გამოყენებულ იქნა პატიმრობა იმის გამო, რომ მან დაარღვია კანონი და არ შეასრულა მოსამართლის 3 ნოემბრის განჩინება გირაოს ოდენობის გაზრდის თაობაზე. 25 თებერვალს ბრალდების მხარემ დაცვის მხარეს საჯაროდ შევთავაზეთ, თუ ისინი მზად იქნებოდნენ, რომ გირაოს პირობა შეესრულებინათ, ბრალდების მხარე მოითხოვდა აღკვეთის ღონისძიების უფრო მსუბუქი ფორმით შეცვლას. ჩვენ ეს შეთავაზება ასევე დავაფიქსირეთ 8 აპრილს განცხადებაში. 25 თებერვლის შემდგომ, დღევანდელ სასამართლო პროცესამდე დაცვის მხარეს არ ჰქონია არანაირი მცდელობა, გაერკვია რეალურად ბრალდების მხარის შემოთავაზება და ეწარმოებინა ბრალდების მხარესთან დიალოგი პატიმრობის გირაოთი შეცვლასთან დაკავშირებით.

ჩვენ დაცვის მხარეს შევთავაზეთ, რომ თუ თანახმა იქნებოდა, შეთავაზების პირობები დაეკმაყოფილებინა, ბრალდების მხარე იშუამდგომლებდა, რომ პატიმრობა შეცვლილიყო, ანუ ლოგიკურად ბრალდებას რომ ეშუამდგომლა, უნდა ყოფილიყო წინარე დაცვის მხარის პოზიცია, რომ ის მზად იყო გადაეხადა გირაო“, - განაცხადა გულუაშვილმა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა