სურსათის ეროვნულმა სააგენტომ პესტიციდებისა და აგროქიმიკატების 24 სპეციალიზებული მაღაზია დარღვევებისთვის დააჯარიმა

სურსათის ეროვნული სააგენტოს ინსპექტირების ჯგუფებმა ქვემო ქართლის რეგიონში პესტიციდებისა და აგროქიმიკატების 37 სპეციალიზებული მაღაზია შეამოწმეს.

სურსათის ეროვნული სააგენტოს ინფორმაციით, ეტიკეტირების წესის დარღვევის, ვადაგასული პრეპარატების განთავსებისა და რეგისტრაციის გარეშე საქმიანობის ფაქტები 24 სარეალიზაციო ობიექტში გამოვლინდა, რაზეც სააგენტომ გაატარა კანონმდებლობით გათვალისწინებული ღონისძიებები - ბიზნესოპერატორები დაჯარიმდნენ და უხარისხო პესტიციდებისა და აგროქიმიკატების რეალიზაცია აეკრძალათ.

უწყების ცნობით, საგაზაფხულო სამუშაოების დაწყებასთან დაკავშირებით და ფერმერთა ინტერესების დაცვის მიზნით, სურსათის ეროვნული სააგენტო სპეციალიზებული მაღაზიების კონტროლს მთელი ქვეყნის მასშტაბით ახორციელებს. მიმდინარე წელს დაგეგმილია პესტიციდისა და აგროქიმიკატის 300-მდე ნიმუშის აღება და ლაბორატორიული გამოკვლევა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს