შოთა რუსთაველის საქართველოს ეროვნულ სამეცნიერო ფონდს დღეს თბილისის საერთაშორისო სკოლის უფროსკლასელები და პედაგოგები ეწვივნენ. ამის შესახებ ინფორმაციას რუსთაველის ფონდი ავრცელებს.

მათი ინფორმაციით, რუსთაველის ფონდის გენერალურმა დირექტორმა, ისტორიკოსმა ჯაბა სამუშიამ მათ ფონდის იმ კონკურსების შესახებ გააცნო ინფორმაცია, რომელთა მიზანი მოსწავლეებს შორის მეცნიერებისა და ტექნოლოგიებისადმი ინტერესის გაღვივებაა.

„ასევე, ესაუბრა საქართველოს ისტორიის მნიშვნელოვან თარიღებზე, მოვლენებზე, ქართველი მეფეების ცხოვრებასა და მოღვაწეობაზე და უპასუხა დაინტერესებული მოსწავლეების კითხვებს“, - ნათქვამია ინფორმაციაში.