გია ვოლსკი - „ნაციონალურ მოძრაობას“, მთლიანად ამ კლასტერს არანაირი არჩევნები არ აინტერესებს და არ აწყობს, არჩევნები მათთვის არის წარუმატებლობის გარანტია პოლიტიკურ ველზე
„ნაციონალურ მოძრაობას“ და მთლიანად ამ კლასტერს არანაირი არჩევნები არ აინტერესებს და არ აწყობს, არჩევნები მათთვის არის წარუმატებლობის გარანტია პოლიტიკურ ველზე, - ამის შესახებ პარლამენტის პირველმა ვიცე - სპიკერმა გია ვოლსკიმ ჟურნალისტებთან განაცხადა.
მისი თქმით, არ გამორიცხავს, რომ „ნაციონალურ მოძრაობას“ მის გარშემო შეკრებილი ჯგუფის წინააღმდეგ გარკვეული კომპრომატები აქვს. ვოლსკის თქმით, იმედი არ აქვს, რომ შეთანხმება შედგება.
"ასი პროცენტით შეიძლება ითქვას, რომ ეს ყველაფერი მართულია უკრაინიდან. ყველაფერი მეტყველებს იმაზე, რომ აქვთ ერთადერთი მისწრაფება დესტაბილიზაციის გზით, როგორმე, სააკაშვილი მოვიდეს ხელისუფლებაში. მაპატიოს ყველამ, ვისაც ეს არ ეხება, მაგრამ მე ვფიქრობ, რომ მათ საკმაო მასალა გააჩნიათ თავისი ხელისუფლების პირობებში, რათა მოახდინონ შანტაჟი იმ პოლიტიკური სუბიექტების, რომლებიც მათ გარეშემო არიან შეკრებილები. დისკრედიტაციისთვისაც გააჩნიათ მასალა და ასევე არ გამოვრიცხავ, რომ გააჩნიათ გარკვეული ჩანაწერები, რითიც შეუძლიათ გავლენა მოახდინო პოლიტიკურ სუბიექტებზე”, - განაცხადა ვოლსკიმ.
