გია ვოლსკი - ერთადერთი გზა, რაც სააკაშვილმა იცის, ეს არეულობაა, რისთვისაც ბრძოლის ველზე აუცილებლად უნდა ჰყავდეს პოლიტიკურ პატიმრად წოდებული მოთამაშე - სამწუხაროა, მაგრამ მელია მსხვერპლია

ნიკა მელიას გათავისუფლების არანაირი სურვილი არა აქვთ - ერთადერთი გზა, რაც მიხეილ სააკაშვილმა იცის, ეს არის არეულობა, - ამის შესახებ ჟურნალისტებს პარლამენტის პირველმა ვიცე-სპიკერმა გია ვოლსკიმ განუცხადა.

"ამ არეულობისათვის ბრძოლის ველზე აუცილებლად უნდა ჰყავდეს პოლიტიკურ პატიმრად წოდებული პოლიტიკური მოთამაშე. სხვა რესურსი გინდ ინტელექტუალური, გინდ ემოციური და გინდ პატრიოტული, არ გააჩნიათ. სამწუხაროა, მაგრამ მელია მსხვერპლია”, - განაცხადა ვოლსკიმ.

რაც შეეხება 20 ივნისის მოვლენებთან დაკავშირებულ საქმეებზე ამნისტიის გამოცემას, ვოლსკის თქმით, ამნისტია კონკრეტულ პირებს არ ეხება და ის საზოგადოებისთვის კეთდება.

"არ არის მხოლოდ მელია. ხუთი პირია გირაოთი გამოშვებული, ხოლო ფაქტები, თუ რა ხდებოდა 20 ივნისს, ტელეარქივებში დევს. ეს იყო პროვოცირება იმისა, რასაც სამოქალაქო პირების დაზიანება მოჰყვა. უამრავი ადამიანი გაბრაზებულია არამხოლოდ მელიასა და სააკაშვილზე, არამედ გაბრაზებულია ჩვენზეც, რომ კომპრომისებს ვუშვებთ. ჰკითხეთ ჩვენს მხარდამჭერებს, ჰკითხეთ თუნდაც ნეიტრალურ ხალხს, რამდენად სწორად მიჩნიათ ამნისტია და თუნდაც შეწყალება. რამდენი გაბრაზებული ადამიანია. დარწმუნებული ვარ, თუ ხელს შევუწყობთ და თუ კონკრეტული პირების პოლიტიკურად ანგაჟირებული განცხადებები არ იქნება, უკეთესი იქნება. საზოგადოებაც დარწმუნდება, რომ დაპირისპირების იმ ხარისხს, რაც დღეს გაგვაჩნია, ეს სჯობია - ერთმანეთს არ ვესალმებით, მუშაობის წარმოუდგენელი რეჟიმია", - აღნიშნა პარლამენტის პირველმა ვიცე-სპიკერმა.

ვიტალი ბალა - თუ რუსეთმა უკრაინის საზღვრებიდან თავისი სამხედროების გაყვანა არ დაიწყო, ცხადი გახდება, რომ ბაიდენი და პუტინი უკრაინასთან დაკავშირებით ვერაფერზე შეთანხმდნენ
გიორგი კუნაძე - ამჯერად გადავრჩით, მაგრამ, როგორც იტყვიან - უკეთესობის უნდა გჯეროდეს, მაგრამ უარესისთვის უნდა ემზადო
ქართული პრესის მიმოხილვა 09.12.2021
ოქროყანაში რეკრეაციულ სამკუთხედში მოქცეული უნიკალური საცხოვრებელი უბანი სიმეტრია პარკი შენდება
„ვისოლ ავტო ექსპრესი” ავტომომსახურების ცენტრების ქსელის განვითარებას განაგრძობს
პროკრედიტ ბანკის სამეთვალყურეო საბჭოს ორი დამოუკიდებელი წევრი შეემატა
სილქფესტის ახალი შეთავაზება - შეივსე სასაუბრო წუთებით და გაიუმჯობესე ინტერნეტი სასურველი მოცულობით
Colliers MMS გაფართოებული საინვესტიციო პორტფელი და ახალი შეთავაზება სამშენებლო სექტორს
სამშენებლო კომპანია „მეგა ჰოლდინგი“ მეგა საახალწლო აქციას აანონსებს: ყველა ბინა საჩუქრით
შეიძინე ბინა წინასწარი შენატანის გარეშე - შეთავაზება „ტერასა გლდანი გრინ თაუერისგან“