გია ვოლსკი - ასეთი პოზიციებით გამოსვლა, რასაც „ნაციონალური მოძრაობა" აკეთებს და სხვაც მასზე აყოლილი, არის ჩაშლის მცდელობა იმ შეთანხმების, რასაც მივაღწიეთ

ასეთი პოზიციებით გამოსვლა, რასაც „ნაციონალური მოძრაობა" აკეთებს და სხვაც მასზე აყოლილი, არის ჩაშლის მცდელობა იმ შეთანხმების, რასაც მივაღწიეთ,- ასე ეხმიანება პარლამენტის პირველი ვიცე - სპიკერი გია ვოლსკი ჟურნალისტებთან ამნისტიის თაობაზე გამოთქმულ მოსაზრებებს.

მისი თქმით, ამნისტია არის პოლიტიკური აქტი, რომელიც ხორციელდება იმის მიუხედავად თუ რა პოლიტიკური შეხედულებები გააჩნია ამა თუ იმ პოლიტიკურ სუბიექტს 20 ივნისის მოვლენებთან დაკავშირებით.

„საქართველოში უნდა გადაიდგას მნიშვნელოვანი ნაბიჯი, რომ სტაბილურობა იქნას მიღწეული გრძელვადიან პერიოდში. შარლ მიშელმა და ყველამ, ვინც ამ საკითხებში იყო ჩართული, სრული ინფორმაცია მიიღეს ყველა საკითხზე და არსებობს მყარი პოზიცია პოლიტიკური სუბიექტების და საზოგადოების დიდი ნაწილის, რომ საერთოდ, რაც მოხდა იმ პერიოდში, ამის პროვოცირება მოახდინა პარლამენტში შემოჭრის სურვილმა და მელიას მიერ ორგანიზებულმა გათვლილმა სტრატეგიამ, რომ კონსტიტუციური წეს-წყობილება ძალისმიერი მეთოდით ყოფილიყო საქართველოში უგულებელყოფილი.

აქედან გამომდინარე ძალადობის ფაქტების შეფასება სხვადასხვანაირია. საზოგადოებამაც აგრესიული პოზიცია გამოხატა, როგორც ერთი პოლიტიკური ძალის, ასევე უმრავლესობის მხარდამჭერებმა. პასუხისმგებლობა, რომელიც უნდა აიღონ პოლიტიკურმა სუბიექტებმა გულისხმობს არა კონკრეტულ გვარებს, არამედ აქტს, რომელმაც წვლილი უნდა შეიტანოს საქართველოში ვითარების სტაბილიზაციაში. მე არც პოლიციელების ადვოკატი ვარ, მითუმეტეს არც მელიას და რურუას ადვოკატი ვარ, არც იმ ხუთი პიროვნების, ვინც დროებით არიან გამოშვებულები გირაოთი, ეს არის დამოკიდებულება რაც პოლიტიკურმა სუბიექტებმა უნდა გამოხატონ პოლიტიკური ვითარების მიმართ და საქართველოში სტაბილურობისთვის მნიშვნელოვანი წვლილი შეიტანონ ამ აქტით,"- განაცხადა ვოლსკიმ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 07.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
ბაქოში ევროპის ჩემპიონატის თასი ჩაიტანეს