რელიგიის საკითხთა სახელმწიფო სააგენტო, ევანგელურ-ბაპტისტურ ეკლესიის მრევლსა და ქრისტიან-მოლოკანთა თემს ბზობის დღესასწაულს ულოცავს. ამის შესახებ ინფორმაციას რელიგიის საკითხთა სახელმწიფო სააგენტო ავრცელებს.
სააგენტოს ინფორმაციის თანახმად, ბზობა მაცხოვრის იერუსალიმში დიდებით შესვლას აღნიშნავს და მრევლი მას აღდგომის წინა კვირას ზეიმობს.
„ევანგელურ-ბაპტისტური ეკლესია ბზობას დღესასწაულობს. ბზობა ერთ-ერთი მთავარი საუფლო დღესასწაულია და იერუსალიმში უფლის დიდებით შესვლას განასახიერებს. რელიგიის საკითხთა სახელმწიფო სააგენტო ულოცავს, ევანგელურ-ბაპტისტურ ეკლესიასა და მის მრევლს და მათ მშვიდობას უსურვებს.
ასევე, სულიერ ქრისტიან-მოლოკანთა თემი ერთ-ერთ მთავარ საუფლო დღესასწაულს, ბზობა-ბაიაობას ზეიმობს. ბზობა მაცხოვრის იერუსალიმში დიდებით შესვლას აღნიშნავს და მრევლი მას აღდგომის წინა კვირას ზეიმობს. რელიგიის საკითხთა სახელმწიფო სააგენტო, ულოცავს ქრისტიან-მოლოკანთა თემს ბზობის დღესასწაულს და მათ მშვიდობას უსურვებს“,-აღნიშნულია ინფორმაციაში.