ვაქცინაციის ხელშეწყობის მიზნით დაბეჭდილ ბანერებზე მთავრობის ცხელი ხაზის ნომრის ნაცვლად შეცდომით „თბილისი ენერჯის“ ცხელი ხაზის ნომერია მითითებული

ვაქცინაციის ხელშეწყობის მიზნით დაბეჭდილ ბანერებზე მთავრობის ერთიანი ცხელი ხაზის ნომერი შეცდომითაა მითითებული.

კერძოდ, ბანერებზე, რომლებიც ეპიდემიის გავრცელების პრევენციის მიზნით მიმდინარე საინფორმაციო კამპანიის ფარგლებში დამზადდა და დედაქალაქში გარე რეკლამების სახით გამოჩნდა, მთავრობის ერთიანი ცხელი ხაზის ნომრად არა 144, არამედ 114-ია მითითებული, რაც თავის მხრივ, „თბილისი ენერჯის“ ცხელი ხაზის ნომერია.

ბანერების მიზანი კორონავირუსის საწინააღმდეგო ვაქცინით მოქალაქეების დაინტერესებაა. ბანერის ძირითადი სლოგანი სწორედ ისაა, რომ „ვაქცინა გვიცავს“.

როგორც "ინტერპრესნიუსს" დაავადებათა კონტროლის ეროვნულ ცენტრში განუცხადეს, ბანერები უახლოეს მომავალში გამოიცვლება.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!