გააბითურეს ნიკა მელია და მესმის მისი, ადამიანურად ვგულშემატკივრობ, ახლა ამნისტიით გამოვა თუ გირაოთი, გამოდის, რომ მისმა გუნდმა გაწირა, - ამის შესახებ საპარლამენტო უმრავლესობის წევრმა ირაკლი ზარქუამ ჟურნალისტებთან განაცხადა, რითაც ამნისტიის კანონპროექტის გაწვევაზე ნიკა მელიას პოზიციას გამოეხმაურა.

ზარქუა მელიას ურჩევს, „არაფრისმომცემ, იაფფასიან კამპანიას შეეშვას“.

„სააკაშვილის ხაფანგშია გამომწვდეული. მას ვეუბნებოდი, რომ თავი არ გაეყო სააკაშვილის დაგებულ ხაფანგში. ახლა რა გამოვიდა? - მელია ციხეში შევიდა, ამბობდა, ვერ დამიჭერთო და დაიჭირეს, შემდეგ თქვა, არ გადავიხდიო და ახლა აქეთ იხვეწება გადავიხდიო. ნიკა მელიას გათავისუფლება მის ხელშია, ხვალაც შეუძლია თვითონ გადაიხადოს, თუ არ უნდა ევროკავშირი შეაწუხოს, ან ევროკავშირის შემოთავაზებას დათანხმდეს და გამობრძანდეს. მეორე ეტაპია - ან დათანხმდეს ამნისტიას, ან არ დათანხმდეს და სასამართლოში იდაოს. ჩვენ დადებულ პირობას ღირსეულად ვასრულებთ. ამ შეთანხმების მორიგი ნაბიჯი იყო, რომ ოპოზიცია შემოვიდა პარლამენტში, პარალელურად რურუა გათავისუფლდა. გეგმაზომიერად მივყვებით შეთანხმებულ პირობას. ახლა მელია ცუდ მდგომარეობაშია, რადგან მისმა ბელადმა თქვა, რომ როგორც კი ამნისტია იქნებოდა, „ნაციონალურმა მოძრაობამ" ხელი უნდა მოაწეროს, რა გამოვიდა? - გააბითურეს ეს მელია და მესმის მისი, ადამიანურად ვგულშემატკივრობ. ახლა ამნისტიით გამოვა თუ გირაოთი, გამოდის, რომ მისმა გუნდმა გაწირა. არავინ აპირებს მელიას დასცინოს, არც მის „ბულინგს“ აპირებს ვინმე,"- განაცხადა ზარქუამ.