ილიას სახელმწიფო უნივერსიტეტსა და HR Hub-ს შორის ურთიერთთანამშრომლობის მემორანდუმი გაფორმდა

ილიას სახელმწიფო უნივერსიტეტსა და HR Hub-ს შორის ურთიერთთანამშრომლობის მემორანდუმი გაფორმდა.

როგორც „ინტერპრესნიუსს“ ილიას სახელმწიფო უნივერსიტეტიდან აცნობეს, თანამშრომლობა გულისხმობს ილიაუნის სტუდენტებისა და კურსდამთავრებულებისთვის კარიერული განვითარების მრავალფეროვანი შესაძლებლობების შექმნას.

მათივე ცნობით, HR hub-ი საქართველოში HR პროფესიონალების ყველაზე მსხვილი გაერთიანებაა, რომელშიც შედის 600-ზე მეტი კერძო და საჯარო სექტორის HR პრაქტიკოსი.

“2021 წლის მაისსა და ივნისში ილიას სახელმწიფო უნივერსიტეტის ორგანიზებით და HR Hub-ისა და StudentJob.ge მხარდაჭერით გაიმართება მარი ბურდულის სახელობის ყოველწლიური დასაქმების ფორუმი, რომლის ფარგლებშიც დაგეგმილია სტუდენტებისთვის ათეულობით პროფილური დასაქმების ფორუმისა და დასაქმებასთან დაკავშირებული ღონისძიებების – ვორკშოპებისა და ეიჩარის ხელმძღვანელებთან შეხვედრების ჩატარება.

ურთიერთთანამშრომლობის მემორანდუმს ხელი მოაწერეს ილიას სახელმწიფო უნივერსიტეტის რექტორმა გიგა ზედანიამ და ეიჩარ ჰაბის დირექტორმა ანა ნავდარაშვილმა”,- აღნიშნულია გავრცელებულ ინფორმაციაში.

როგორც ილიას სახელმწიფო უნივერსიტეტს რექტორმა გიგა ზედანიამ განაცხადა, ილიას სახელმწიფო უნივერსიტეტი ყოველწლიურად მართავს მარი ბურდულის სახელობის დასაქმების ფორუმს, რომლის მიზანია სტუდენტებისათვის ვაკანსიების შესახებ ინფორმაციის მიწოდება, ასევე მათი ჩართვა იმ პროცესებში, რომლებმაც ისინი დასაქმებამდე და საინტერესო სამუშაომდე უნდა მიიყვანოს.

„წელს ჩვენ, მიუხედავად იმისა, რომ ამ ფორუმს მთლიანად ონლაინ წარვმართავთ, გვაქვს სიახლე: HR ჰაბთან ერთად ვიწყებთ თანამშრომლობას, რათა უფრო მეტი ვაკანსია იყოს ხელმისაწვდომი ჩვენი სტუდენტებისათვის, ასევე ერთად დავგეგმოთ აქტივობები, რომლებიც მათთვის ბევრად უფრო მეტ შესაძლებლობას გახსნის სწორედ დასაქმებისა და ბაზარზე საკუთარი თავის მონახვის კუთხით“, – განაცხადა გიგა ზედანიამ.

ეიჩარ ჰაბის დირექტორის ანა ნავდარაშვილის თქმით, მემორანდუმის საფუძველზე ერთობლივად დაგეგმავენ ახალგაზრდების დასაქმების ხელშეწყობისთვის სხვადასხვა აქტივობას.

„დღეს ხელი მოეწერა ურთიერთთანამშრომლობის მემორანდუმს HR ჰაბსა და ილიას სახელმწიფო უნივერსიტეტს შორის. ამ მემორანდუმის საფუძველზე ჩვენ ერთობლივად დავგეგმავთ ახალგაზრდების დასაქმების ხელშეწყობისთვის სხვადასხვა აქტივობას და ვეცდებით, მათ გავუმარტივოთ სამსახურის ძიების პროცესი, სტუდენტებისთვის ერთობლივად შევქმნათ ახალი შესაძლებლობები დასაქმების კუთხით“, – განაცხადა ანა ნავდარაშვილმა.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს