არჩილ თალაკვაძის განცხადებით, „ქართული ოცნება“, როგორც „პასუხისმგებლიანი პოლიტიკური ძალა“, ამნისტიის კანონს განახორციელებს იმ ფორმით, როგორც ხელმოწერილ დოკუმენტშია

პარლამენტის ვიცე-სპიკერის არჩილ თალაკვაძის განცხადებით, „ქართული ოცნება“, „როგორც პასუხისმგებლიანი პოლიტიკური ძალა“, ამნისტიის კანონს განახორციელებს იმ ფორმით, როგორც ხელმოწერილ დოკუმენტშია.

როგორც თალაკვაძემ ჟურნალისტებს განუცხადა, მნიშვნელოვანია, რომ ხელმომწერი ოპოზიციაც პასუხისმგებლობით ჩაერთოს პროცესში.

„ამნისტიის კანონი არის შარლ მიშელის შეთანხმების ერთ-ერთი მთავარი პუნქტი, შესაბამისად ჩვენ, როგორც პასუხისმგებლიანი პოლიტიკური ძალა, ამ შეთანხმებას, რასაკვირველია, განვახორციელებთ ზუსტად ისე, როგორ ის იყო ხელმოწერილი. სხვა ინტერპრეტაციებისთვის ადგილი არ არის და არც უნდა იყოს. მნიშვნელოვანია, რომ ხელმომწერი ოპოზიციაც ასევე პასუხისმგებლობით ჩაერთოს პროცესში, რომ ერთად შევძლოთ იმ გადაწყვეტილების მიღება პარლამენტში, რომელსაც ხელი მოვაწერეთ. ეს შეთანხმება გულისხმობდა პოლარიზაციის შემცირებას. მისი მიზანი იყო, რომ ვითარება პოლიტიკური დაპირისპირებიდან გადასულიყო საქმიან ეტაპზე. შეთანხმებაში მოცემული სულისკვეთება ზუსტად მოგვიწოდებს იმისკენ, რომ შევძლოთ დემოკრატიული მიღწევების გამოყენება რეალურ ცხოვრებაში“,- განაცხადა თალაკვაძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ბაქოში ევროპის ჩემპიონატის თასი ჩაიტანეს