გიორგი ვაშაძე - მოვუწოდებ ევროკავშირის წარმომადგენლებს, რაც შეიძლება სწრაფად მოხდეს გირაოს გადახდასთან დაკავშირებული ტექნიკური საკითხების  მოგვარება, რათა მელია უმოკლეს ვადებში იქნას გათავისუფლებული

„სტრატეგია აღმაშენებლის“ ლიდერი გიორგი ვაშაძე ევროკავშირის წარმომადგენლებს მოუწოდებს, რაც შეიძლება სწრაფად მოხდეს გირაოს გადახდასთან დაკავშირებული ტექნიკური საკითხების მოგვარება, რათა „ერთიანი ნაციონალური მოძრაობის” თავმჯდომარე ნიკა მელია უმოკლეს ვადებში იქნას გათავისუფლებული საპატიმრო დაწესებულებიდან.

ვაშაძე ფასილიტატორებს მადლობას უხდის მედიაციისთვის.

"მივესალმები ნიკა მელიას გადაწყვეტილებას ევროკავშირის მიერ შემოთავაზებული გირაოს გადახდის თანხმობასთან დაკავშირებით.

აქვე მინდა მადლობა გადავუხადო ყველა ფასილიტატორს მედიაციაში ჩართვისთვის.

მოვუწოდებ ევროკავშირის წარმომადგენლებს, რაც შეიძლება სწრაფად მოხდეს გირაოს გადახდასთან დაკავშირებული ტექნიკური საკითხების მოგვარება, რათა უმოკლეს ვადებში იქნას ნიკა მელია გათავისუფლებული საპატიმრო დაწესებულებიდან", - აცხადებს გიორგი ვაშაძე, რომლის კომენტარსაც პრესსამსახური ავრცელებს.

ცნობისთვის, მედიაში გავრცელდა ინფორმაცია, რომ ევროკავშირმა "ნაციონალური მოძრაობის" თავმჯდომარის ნიკა მელიას გირაოს თანხა გადაიხადა. აღნიშნულს არ ადასტურებენ საქართველოს პროკურატურაში. "ინტერპრესნიუსი" ინფორმაციის გადასამოწმებლად საქართველოში ევროკავშირის წარმომადგენლობასაც დაუკავშირდა, როგორც პრესსამსახურში აცხადებენ, აღნიშნულზე ინფორმაცია არ აქვთ. გირაოს ჩარიცხვასთან დაკავშირებით ინფორმაციას არ ფლობს ნიკა მელიას ადვოკატი გიორგი კონდახაშვილიც.

ინფორმაციისთვის, "ნაციონალური მოძრაობის" წევრის, გიორგი ბოტკოველის განცხადებით, ნიკა მელია თანახმაა ევროკავშირის გირაოზე, "მაგრამ ეს არ არის გირაო, ეს იქნება ცივილიზებული სამყაროს მხრიდან პოლიტიკური პატიმრის გამოსასყიდი”.

"დარწმუნებული ვარ, ეს ძალიან მალე მოხდება, ნიკა მელია თავისუფალი იქნება, ეს შეიძლება იყოს 3, 5 დღე, ერთი კვირა, მაგრამ დარწმუნებული ვარ, ეს მალე იქნება", - აცხადებს ბოტკოველი.

მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
ქართული პრესის მიმოხილვა 26.11.2021
ალექსანდრე თვალჭრელიძე - ხელისუფლებისადმი ნდობა დამოკიდებულია არა იმაზე, თუ რა პროგრამებს აანონსებს, არამედ იმაზე, თუ როგორ ასრულებს გაცემულ დაპირებებს
ბიძინა ლებანიძე - საქართველომ და უკრაინამ გერმანიასთან მიმართებაში ფუჭი მოლოდინი არ უნდა შეიქმნას, გერმანია სამხედრო თვალსაზრისით არ ჩაერთვება არც ერთ სამეზობლო კონფლიქტში
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს
სილქფესტი ფასდაკლების დღეებს უერთდება - გაეცანით სილქნეტის მთავარ შეთავაზებებს
ზეთისხილის საერთაშორისო საბჭოს 114-ე სესია, რომელიც საქართველოში მიმდინარეობდა, დასრულდა
პროგრამა ბალანსი ბიზნესისთვის - როგორია ფინანსების აღრიცხვისა და ავტომატიზაციის თანამედროვე სტანდარტი?
XXI საუკუნის ხელნაწერ „ვეფხისტყაოსანზე“ 18-წლიანი მუშაობა დასრულდა - რა უნდა იცოდეთ ახალ, უნიკალურ გამოცემაზე
საინფორმაციო პორტალი 08.GE - ყველა კითხვაზე პასუხი ერთ სივრცეში
საქართველო ზეთისხილის საერთაშორისო დღეს უმასპინძლებს, რომელიც იუნესკოს ეგიდით ტარდება