საქართველოს ახალგაზრდულ ორგანიზაციათა საბჭოს წარმომადგენლებმა კახეთში, პროექტ „ახალგაზრდობა მნიშვნელოვანიას“ მონაწილე ორგანიზაციასთან და კახეთში მცხოვრებ ახალგაზრდებთან რეგიონული შეხვედრა გამართეს.
როგორც ორგანიზაციაში აცხადებენ, ახალგაზრდული ორგანიზაციების გაძლიერების პროგრამის ფარგლებში, პროექტის მონაწილეები გადავიდნენ პრაქტიკული ფაზის განხორციელების ეტაპზე და თავიანთ თემში ატარებენ ლოკალურ აქტივობებს.
„ახალგაზრდულ ორგანიზაციათა გაძლიერების ფარგლებში, დავესწარით პროექტის მენეჯერთა გადამზადების პრაქტიკის ფაზაში მიმდინარე აქტივობას, პროექტის მონაწილე ორგანიზაციას გადავეცით ჩვენს მიერ განხორციელებული, საქართველოში რეგისტრირებული ახალგაზრდული ორგანიზაციების მდგომარეობის კვლევის ანგარიშის ბეჭდური ვერსია, ლოკალურ აქტივობაში ჩართულ ახალგაზრდებს გავაცანით ქოლგა ორგანიზაციის საქმიანობა და პროექტ „ახალგაზრდობა მნიშვნელოვანიას“ კომპონენტები“,- აცხადებენ ორგანიზაციაში.
რეგიონული შეხვედრები 11 მაისს, კახეთში დაიწყო და საბოლოო ჯამში საქართველოს ყველა რეგიონს დაფარავს.