"ნაციონალურ მოძრაობას" რაღაც სცენა აქვს დადგმული, ვითომ დიდი აზრთა სხვადასხვაობაა პარლამენტში შემოვიდნენ თუ არა - თავს ნუ ინერვიულებენ,- ამის შესახებ საპარლამენტო უმრავლესობის წევრმა ირაკლი ქადაგიშვილმა განაცხადა.

მისი თქმით, "ნაციონალურ მოძრაობას" პარლამენტში შესვლის გარდა, სხვა არჩევანი არ აქვს.

„ის პარტია, რომელიც პარლამენტში არ შემოვა, იქნება ბოლომდე გამარგინალებული, ამიტომ "ნაციონალურ მოძრაობას" ასარჩევიც არაფერი აქვს. ახლა რაღაც სცენა აქვთ დადგმული, რომ ვითომ დიდი აზრთა სხვადასხვაობაა პარლამენტში შემოვიდნენ თუ არა, არ აქვთ სხვა არჩევანი, შემოვლენ, თავს ნუ ინერვიულებენ და მოიკლონ სპექტაკლი, თავს ნუ გვაწყენენ,"- განაცხადა ქადაგიშვილმა.