საქართველოს საგარეო საქმეთა მინისტრი დავით ზალკალიანი ლიეტუვას კორონავირუსის საწინააღდეგო ვაქცინის დოზებით დახმარებისთვის მადლობას უხდის.
„ძალიან დიდი მადლობა ჩვენს ნამდვილ მეგობარსა და მტკიცე მხარდამჭერ ლიეტუვას, კოვიდპანდემიის პერიოდში თანამშრომლობისა და 15 ათასი დოზა ვაქცინისთვის, რომელიც საქართველოში უნდა გამოიგზავნოს,– წერს ზალკალიანი სოციალურ ქსელ „ტვიტერში“.
„ჩვენ ვაგრძელებთ პარტნიორებთან მუშაობას ვაქცინების დამატებითი დოზებისთვის. ასეთ რთულ დროს სოლიდარობა უმნიშვნელოვანესია“, – წერს მინისტრი.
შეგახსენებთ, ლიეტუვამ აღმოსავლეთ პარტნიორობის ქვეყნებისთვის ვაქცინების 200 000 დოზა დაამტკიცა, მათ შორის საქართველოსთვისაც.