აკაკი მინაშვილი - „ნაციონალური მოძრაობის“ ნებისმიერი გადაწყვეტილების პირობებში კობახიძის და „ქართული ოცნების" დასასრული კიდევ უფრო სწრაფად იქნება

ჩემი პოზიციაა ის, რომ კრიტიკულად ვუყურებ პარლამენტში შესვლას,- ამის შესახებ „ნაციონალური მოძრაობის" წევრმა აკაკი მინაშვილმა ჟურნალისტებს განუცხადა.

მისი თქმით, ძალიან კარგი პროცესია, როდესაც სტრატეგიულ საკითხებზე, როგორც პარტიისთვის, ისე ქვეყნისთვის „ნაციონალური მოძრაობა" საჯაროდ ცვლის არგუმენტებსა და პოზიციებს. როგორც მინაშვილმა აღნიშნა, საბოლოო გადაწყვეტილება ფართო ჩართულობით მიიღება.

„ეს არის დემოკრატიის წესი, როდესაც ყველა დაემორჩილება უმრავლესობის გადაწყვეტილებას. ჩემი პოზიციაა ის, რომ კრიტიკულად ვუყურებ პარლამენტში შესვლას რამდენიმე მიზეზის გამო. პირველ რიგში იქიდან გამომდინარე, რომ ჩვენს ამომრჩეველს შევპირდით, თუ ვადამდელ არჩევნებს ვერ მივაღწევდით, პარლამენტში არ შევიდოდით. თუ გვინდა, რომ ამომრჩეველი გამოგვყვეს, ჩემი აზრით, ჩვენ ეს სიტყვა უნდა შევასრულოთ. მეორე - საპარლამენტო დისკუსიების ნაცვლად, რომელიც მიტაცებული პარლამენტის პირობებში უბრალოდ სრულფასოვანი და ეფექტიანი ვერ იქნება, ჩვენ მთელი დრო უნდა დავახარჯოთ ჩვენს მოქალაქეებთან ურთიერთობას და მათთან კომუნიკაციას, სხვადასხვა ზომის პროტესტს, რათა მოვახდინოთ ჩვენი მოქალაქეების მობილიზება გადამწყვეტი მომენტისთვის. მესამე - არ უნდა შევქმნათ ქვეყანაში ნორმალურობის განცდა, იმიტომ, რომ ამ ხელმოწერით კრიზისი არ იქნა დაძლეული, კრიზისი გაღრმავდა. დემოკრატიულობისა და ნორმალურობის ფასადი არ უნდა შეიქმნას“, - აცხადებს მინაშვილი.

რაც შეეხება „ქართული ოცნების" თავმჯდომარის ირაკლი კობახიძის განცხადებას, რომლის თანახმად, „უკეთესიც იქნება ქართული დემოკრატიისთვის, თუ „ნაციონალური მოძრაობა“ პარლამენტში არ იქნება წარმოდგენილი", აკაკი მინაშვილი პასუხობს, რომ „ნაციონალური მოძრაობა" მიიღებს ისეთ გადაწყვეტილებას, რომელიც დაფუძნებული იქნება ამომრჩევლის ნებასა და ქვეყნის ინტერესებზე.

„ნებისმიერი გადაწყვეტილების პირობებში კობახიძის და „ქართული ოცნების" დასასრული კიდევ უფრო სწრაფად იქნება. იმიტომაც ეტყობა მას, როგორც ლექსიკაში, ისე რიტორიკასა და ტონალობაში, რომ ძალიან ნერვიულობენ, რადგან თვითონ „ქართულ ოცნებაში" არის დიდი პრობლემები“, - აცხადებს მინაშვილი.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია