ნატო ჩხეიძის აზრით, არსებული ფორმით ბოიკოტის გაგრძელებას აზრი არ აქვს და "ნაციონალურმა მოძრაობამ" პარლამენტში არშესვლით "ქართულ ოცნებას" ფუფუნება არ უნდა შეუქმნას

„ქართულ ოცნებას“, რომელსაც დიდი ხანია ეოცნებებოდა, რომ „ნაციონალური მოძრაობა“ დაესამარებინა, მოეთავებინა თუ დაესრულებინა, არანაირი ფუფუნების საშუალება არ უნდა მივცეთ, - ამის შესახებ „ნაციონალური მოძრაობის“ ბლოკით პარლამენტში გასულმა დეპუტატმა ნატო ჩხეიძემ „პალიტრანიუსის“ გადაცემა „დღის ნიუსრუმში“ განაცხადა და აღნიშნა, რომ „ნაციონალური მოძრაობის“ მიერ პარლამენტში შესვლაზე უარის თქმის გადაწყვეტილება „ქართული ოცნებისთვის“ ფუფუნება იქნება.

ნატო ჩხეიძის განმარტებით, საკმაოდ სერიოზული, რთული და მძიმე გადაწყვეტილების წინაშე დგას „ნაციონალური მოძრაობა“ და მათთან ერთად ბლოკიც. როგორც მან აღნიშნა, მას შემდეგ, რაც შარლ მიშელის დოკუმენტზე ხელმოწერით, ოპოზიციური ერთობა დაიშალა, ძალიან მნიშვნელოვანია, ეს ერთობა შენარჩუნებული იყოს იმ პოლიტიკურ პარტიათა გადაწყვეტილებებში, რომლებსაც დოკუმენტზე ხელი ჯერ კიდევ არ მოუწერიათ.

„ახლა, ამ ვითარებაში, ყველას, ვინც არ ვართ ხელმომწერები 19 აპრილის შეთანხმების, ცხადია, მნიშვნელოვანია, რომ ერთნაირი გადაწყვეტილება გვქონდეს და აქ აღარ მოხდეს რაიმე ცვლილება გადაწყვეტილებებში.

განსხვავებული პოზიციები აქვთ არა მარტო მათ, ვინც არ არის სიაში, არამედ მათაც, ვინც სიაშია, ასე არ არის, რომ ვინც სიაშია, მათ უნდათ რომ შევიდნენ. ასეთი მიმართულება რომ ყოფილიყო, 19 აპრილსაც მოეწერებოდა ხელი. ჩვენს ერთობას ახლა ძალიან დიდი მნიშვნელობა აქვს და აქ გადაწყვეტილების დროს არ უნდა იყოს მკვეთრი სხვადასხვაობა, იმიტომ, რომ ეს კიდევ უფრო გულს გაუტეხს საზოგადოებას, ამომრჩეველს იმით, რომ დაღავდა ისედაც ერთიანი ოპოზიციური ბლოკი, რომელსაც მაგიდა ერქვა და „ოცნება“ ფანჩატურს ეძახდა. აქედან გამომდინარე, ვინც დავრჩით, ჩვენი ერთობა არ უნდა დაიშალოს და ერთ გადაწყვეტილებამდე უნდა მივიდეთ. ვფიქრობ, რომ იმ გადაწყვეტილებას, რასაც ბლოკი მიიღებს და იმ გადაწყვეტილებას შორის, რაც ჩვენმა პარტიამ მიიღო, არ იქნება სხვაობა.

„ქართულ ოცნებას“, რომელსაც დიდი ხანია ეოცნებებოდა, რომ „ნაციონალური მოძრაობა“ დაესამარებინა, მოეთავებინა თუ დაესრულებინა და დღეს ირაკლი კობახიძის აზრიც მოვისმინეთ, რომ დემოკრატიისთვის თურმე უკეთესი ასეაო, - ძალიან გაუგებარია დემოკრატიის ასე შეფასება, რომ რომელიმე ოპოზიციური პარტია არ უნდა იყოს, ამიტომ არანაირი ფუფუნების საშუალება „ქართულ ოცნებას“ არ უნდა მივცეთ,“- განაცხადა ნატო ჩხეიძემ.

ამასთანავე, ნატო ჩხეიძის განცხადებით, ბოიკოტს ნამდვილად ჰქონდა ძალიან დიდი მნიშვნელობა, მაგრამ მას შემდეგ, რაც სრულიად სხვა ვითარება შეიქმნა, არსებული ფორმით ბოიკოტმა აზრი დაკარგა.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს