მოძრაობა “დროა” - კატეგორიულად ვგმობთ „დედაენის ბაღში“ მომხდარ ძალადობრივ ფაქტს

პოლიტიკური მოძრაობა “დროა” განცხადებას ავრცელებს და აღნიშნავს, რომ კატეგორიულად გმობს „დედაენის ბაღში“ მომხდარ ძალადობრივ ფაქტს.

მათივე ინფორმაციით, საქართველოს მთავრობა და შინაგან საქმეთა სამინისტრო ვალდებულია, ადეკვატური რეაგირება მოახდინოს 17 მაისთან დაკავშირებულ ჰომოფობიურ ტრანსფობიურ და ბიფობიურ ძალადობრივ შემთხვევებზე და უზრუნველყოს საზოგადოების ლგბტქი წევრებისთვის კონსტიტუციური უფლებების უსაფრთხოდ განხორციელება.

„დღეს, აქტივისტების მიერ, ჰომოფობიასთან, ტრანსფობიასა და ბიფობიასთან ბრძოლის საერთაშორისო დღესთან დაკავშირებით, „დედაენის ბაღში“დამონტაჟებული ინსტალაცია ერთ-ერთი ძალადობრივი ჯგუფის წარმომადგენელმა, გურამ ფალავანდიშვილმა დააზიანა. თვითმხილველების თქმით, ფალავანდიშვილმა სიტყვიერი და ფიზიკური შეურაცხყოფა მიაყენა იქ შეკრებილ ადამიანებს. იქვე მდგარი სამართალდამცავების მხრიდან კი სათანადო რეაგირება არ ყოფილა.

წლებია, ვხედავთ, ხელისუფლება და, უმეტესწილად, პრორუსული რადიკალური ჯგუფები როგორ იყენებენ პოლიტიკურ ინსტრუმენტად ლგბტქი თემთან დაკავშირებულ საკითხებსა და თარიღებს. ეს კიდევ ერთხელ უსვამს ხაზს იმას, რომ სახელმწიფო უგულებელყოფს საკუთარი საზოგადოების ლგბტქი მოქალაქეებს, უფრო მეტიც, ხელს უწყობს მათ გარიყვას და დემონიზებას. მსგავსი მიდგომა, რა თქმა უნდა, ხელს უშლის ქვეყნის დემოკრატიულ განვითარებას და სამართლიანი საზოგადოების ჩამოყალიბებას“, - ნათქვამია განცხადებაში.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქეთევან ჩაჩავა - აუცილებელია ყველაფერი გაკეთდეს, რომ საქართველომ ევროკავშირის კანდიდატობის სტატუსის მისაღებად წლის ბოლომდე „მეორე შანსი“ გამოიყენოს
ქართული პრესის მიმოხილვა 24.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
მცირე სახელმწიფო „ახალი წესრიგის“ კონტექსტში: ქართული ქეისი
Hotsale.ge-ის სპონსორობით საქართველოში პირველი ფინანსური ბიზნეს ფორუმი გაიმართა
დედაქალაქის ცენტრალურ გამზირზე მდებარე, საუკუნეზე მეტი ისტორიის მქონე სასტუმრო „თბილისი მარიოტი“ ბაზარზე სრულიად ახალი პროდუქტით - „პარკ გრილ“ რესტორნით შემოდის
ბოკერიას სახელობის საუნივერსიტეტო ჰოსპიტლსა და „ლიბერთი ბანკს“ შორის მემორანდუმი გაფორმდა