ისრაელსა და პალესტინელებს შორის თავდასხმები გრძელდება
ისრაელმა დღეს დილით ღაზას სექტორზე ავიაიერიში მიიტანა, პალესტინელებმა კი ისრაელის მიმართულებით რაკეტები გაისროლეს.
მედიის ინფორმაციით, „ჰამასი“ აცხადებს, რომ მისი ბოლო თავდასხმის სამიზნე ისრაელის საჰაერო ძალის 6 ბაზა იყო.
ისრაელი აცხადებს, რომ ღაზადან ისრაელის მიმართულებით 10 მაისიდან, საერთო ჯამში, 3 450 რაკეტაა გაშვებული. თავდასხმების შედეგად 12 ადამიანი, მათ შორის 2 ბავშვი დაიღუპა.
ღაზას სექტორის ჯანდაცვის სამინისტროს ინფორმაციით, ისრაელის მიერ განხორციელებულ ავიაიერიშებს 217 პალესტინელის, მათ შორის 63 ბავშვის სიცოცხლე ემსხვერპლა, დაშავებულების რაოდენობა კი 1 400-ს აჭარბებს.
გაეროს მონაცემებით, ღაზას სექტორში განადგურებული ან დაზიანებულია დაახლოებით 450 შენობა. დაახლოებით 48 000-52 000 პალესტინელი გაეროს 58 სკოლას აფარებს თავს.
This is a modal window.
v-if="article.gallery" v-html="article.gallery"
