პალესტინის მხარის ინფორმაციით, ისრაელის მხრიდან ღაზას სექტორის დაბომბვისას კიდევ ოთხი მშვიდობიანი პალესტინელი დაიღუპა.

დაღუპულთა შორის არიან 7 თვის ორსული ქალი, მისი მეუღლე და მათი ორი წლის ბავშვი, ასევე არიან დაშავებულებიც.

პალესტინის ეროვნული ადმინისტრაციის დაქვემდებარებაში არსებული საინფორმაციო სააგენტო Wafa იტყობინება, რომ ისრაელის სამხედრო თვითმფრინავებმა ქალაქ დეირ ელ-ბარაჰში წინასწარი გაფრთხილების გარეშე სამოქალაქო დასახლება დაბომბეს, რა დროსაც ერთი ოჯახის სამი წევრი გარდაიცვალა და კიდევ ბევრი დაშავდა.

მათივე ცნობთ, ღაზას სექტორზე 10-დღიანი უწყვეტი იერიშის შედეგად მსხვერპლთა რიცხვი 245-მდე გაიზარდა, მათ შორის 68 ბავშვია და 37 ქალი. დაშავდა 1 500-ზე მეტი ადამიანი. 27 პალესტინელია მოკლული მდინარე იორდანეს დასავლეთ სანაპიროების დასახლებაში, მათ შორის 4 ბავშვია. დაშავდა 1 108 ადამიანი.