ხმაური არ გაჩერდება ბარიკადებზე, ვიდრე მოთხოვნები არ შესრულდება , - ამის შესახებ „ნამახვანჰესის“ მშენებლობის წინააღმდეგ მიმართული პროტესტის ერთ-ერთმა ორგანიზატორმა ვარლამ გოლეთიანმა განაცხადა.
მისი თქმით, ბარიკადრები უსამართლობის სიმბოლო გახდა.
„ჩვენ პოლიციას არ ვუკეტავთ გზას. გარდა კომპანიის ტრანსპორტისა და სპეცტექნიკისა, ყველას შეეძლება გადაადგილდეს.
ხმაურს ვიწვევთ რკინის ჯებირებზე, ბარიკადი გახდა ამ უსამართლობის სიმბოლო. ეს ხმაური არ გაჩერდება ბარიკადზე, ვიდრე მოთხოვნები არ შესრულდება“, - განაცხადა გოლეთიანმა.
ვარლამ გოლეთიანმა ასევე მოუწოდა მოსახლეობას, შეუერთდნენ მათ „ბრძოლის ბოლო რაუნდში, რადგან კრიტიკულად მნიშნველოვანია სიმრავლე“.
გოლეთიანის თქმით, იმედოვნებს, რომ ხელისუფლება იქნება ადეკვატური და არ მოხდება აქციის მონაწილეეების დარბევა, რადგან ეს კარგად არ დასრულდება.
შეგახსენებთ, თითქმის ერთი საათია გუმათში, „ნამახვანჰესის“ მოწინააღმდეგეები რკინის ბარიკადებს ხელებს ურტყამენ და ამ ფორმით გამოხატავენ პროტესტს.