პეტრე ცისკარიშვილის განცხადებით, პარლამენტში შესვლასთან დაკავშირებით მის პოზიციას ბევრი თანაგუნდელი იზიარებს

ნაციონალური მოძრაობის“ ერთ-ერთი ლიდერის პეტრე ცისკარიშვილის განცხადებით, ხვალ პოლიტსაბჭოზე განხილვის ერთ-ერთი მთავარი თემა პარტიის პარლამენტსა და აჭარის უმაღლეს საბჭოში შესვლის საკითხი იქნება. მისივე განმარტებით, პოლიტსაბჭოზე გაჟღერდება ის პოზიციები, რაც ამომრჩევლებსა და აქტივისტებთან შეხვედრების შემდეგ მოისმინეს, რასაც მსჯელობა და კენჭისყრის პროცესი მოჰყვება.

როგორც პეტრე ცისკარიშვილმა „ინტერპრესნიუსთან“ განმარტა, „ნაციონალური მოძრაობა“ არ უნდა იყოს არასაპარლამენტო პარტია და მან საკანონმდებლო ორგანოში მუშაობით აქტიურად უნდა გააჟღეროს საკუთარი ამომრჩევლების ინტერესები.

„პოლიტსაბჭოზე მიმდინარე სამუშაო საკითხები იქნება, მაგრამ ძირითადი საკითხი არის პარლამენტში „ნაციონალური მოძრაობის“ მონაწილეობასთან დაკავშირებით და ამაზე იქნება კენჭისყრები. ასევე, იქნება განხილული აჭარის უმაღლეს საბჭოში „ნაციონალური მოძრაობის“ შესვლის საკითხი. რეგიონებში ვიყავით, მე პირადად კახეთში ვიყავი და თავმჯდომარემ, ნიკა მელიამ, მოიარა საქართველო ბოლო 10 დღის განმავლობაში. მაქსიმალურად შევეცადეთ, რომ ყველა ჩვენს აქტივისტსა და მხარდამჭერთან გვქონოდა კომუნიკაცია, მოგვესმინა მათი აზრი და სწორედ ამ კომუნიკაციის შედეგად ვიმსჯელებთ უკვე პოლიტსაბჭოზე. ის ინფორმაცია, რაც მივიღეთ ჩვენს მხარდამჭერებთან შეხვედრების შედეგად, აუცილებლად იქნება გაჟღერებული პოლიტსაბჭოზე, შეჯამებაც იქნება ერთგვარი და აქედან გამომდინარე შემდეგ გაიმართება მსჯელობა და კენჭისყრები.

ჩემი პოზიცია თავიდანვე მკაფიოდ გამოვხატე, რომ მხარს ვუჭერ „ნაციონალური მოძრაობა“ პარლამენტში იყოს წარმოდგენილი და ჩვენ არ დავრჩეთ არასაპარლამენტო ოპოზიციად. მე არ ვარ თვითონ სიაში, მაგრამ მინდა, რომ ის პარტია, რომელსაც მხარს ვუჭერ, რომლისთვისაც ვმუშაობ ამდენი წელია, იყოს პარლამენტში და ახმოვანებდეს ამომრჩევლის პოზიციას, აჩვენებდეს ალტერნატიულ ხედვებს, წარმოადგენდეს არგუმენტებს ხელისუფლების საპირისპიროდ, მთლიანობაში პოლიტიკური პროცესის ნაწილი იყოს. ვთვლი, რომ ეს კარგია ქვეყნისთვისაც და თვითონ პარტიის სამომავლო განვითარებისთვისაც“, - განაცხადა პეტრე ცისკარიშვილმა.

ცისკარიშვილი აცხადებს, რომ პარლამენტში შესვლასთან დაკავშირებით მის პოზიციას ბევრი თანაგუნდელი იზიარებს.

„საპირისპირო აზრები გვქონდა, ვკამათობდით, თუმცა მე ვფიქრობ და იმედი მაქვს, შევძელი და ჩვენს მხარეს გადმოვიყვანეთ ჩვენი თანაგუნდელების ნაწილი მაინც და დანარჩენი გამოჩნდება კენჭისყრებზე,“- განაცხადა ცისკარიშვილმა.

ვლადიმერ ფესენკო - ვიდრე აშშ-რუსეთს, ნატო-რუსეთსა და ეუთო-რუსეთს შორის მოლაპარაკებები მიმდინარეობს, რუსეთის მხრიდან ომის დაწყების ალბათობა დაბალია, შემდეგ კი გამორიცხული არაფერია
ქართული პრესის მიმოხილვა 28.01.2022
ლევან ცუცქირიძე - საქართველო უდიდეს საერთაშორისო კრიზისს გამოფიტული, დაღლილი, იმედის, ბრძოლისუნარიანობისა და მმართველობის უნარების გარეშე ხვდება
იუჯითიმ წარმატებით გაიარა კიდევ ერთი, ამჯერად ISO 20000 სტანდარტის შესაბამისი სერტიფიცირება
„ბლოქსის“ ახალი საცხოვრებელი კომპლექსი კრწანისში
Kontakt Home-ში გრანდიოზული აქცია იწყება - საღამოს ბაზარი მხოლოდ ორი დღით, 28-29 იანვარს
პროექტის - „აზერბაიჯან-საქართველოს კომბინირებული მოგზაურობა“ პრეზენტაცია გაიმართა
"ჰიდრო ჯგუფმა" ფოთის მრავალფუნქციურ სპორტულ კომპლექსში წყლის ბიოლოგიური გამწმენდი დანადგარი დაამონტაჟა
"სილქნეტი" 28 თებერვლიდან მომხმარებლებს განახლებულ პირობებს შესთავაზებს
2022 წელს JTI საქართველოში, ევროპაში და გლობალურად აღიარებულია საუკეთესო დამსაქმებლად
ქართველი მეცნიერის გიორგი ელიავას დაბადებიდან 130, ხოლო ინსტიტუტის დაარსებიდან 100 წელი შესრულდა
მერიის მიერ გაცემული 500-ლარიანი ვაუჩერით მიიღე 725 ლარის მედიკამენტი