ანა ნაცვლიშვილი - გახარია არის „ქართული ოცნება 2“, თავისი არსით, გეგმით, წარსულით და მომავლით

ქვეყნის მთავარი პრობლემა არის თვალთმაქცობა, რომელსაც მათ შორის, ახლა მიმართავს ბატონი გახარია, - ასე ეხმიანება "ლელოს" წევრი, დეპუტატი ანა ნაცვლიშვილი ჟურნალისტებთან გიორგი გახარიას განცხადებას, რომ ქვეყნის მთავარი პრობლემა კორუფცია და ნეპოტიზმია.

მისი თქმით, გიორგი გახარია არის "ქართული ოცნება 2" და არის იმ რეჟიმის შემოქმედი, რაზეც ახლა ამბობს, რომ აღარ მოსწონს.

„როდის ატყუებდა ის ქართველ ამომრჩეველს, როცა "ქართული ოცნების" დროშის ქვეშ ასპარეზობდა და არწმუნებდა საზოგადოებას, რომ ეს იყო ერთადერთი სწორი არჩევანი თუ ახლა ატყუებს, როცა ვითომ გაემიჯნა, ვითომ დაგმო და თვალი აეხილა იმ პრობლემებზე, რომელთა შემოქმედიც დიდწილად თვითონ არის, როგორც "ქართული ოცნების" ერთ-ერთი ყოფილი ლიდერი. ის არის „ქართული ოცნება 2“, თავისი არსით, თავისი გეგმით, თავისი წარსულით და თავის მომავლით,"- განაცხადა ნაცვლიშვილმა.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს