ამირან გამყრელიძის განცხადებით, საქართველო ივლისიდან მასობრივ ვაქცინაციაზე უნდა გადავიდეს

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, საქართველო ივლისიდან კორონავირუსის მასობრივ ვაქცინაციაზე უნდა გადავიდეს.

როგორც მან ჟურნალისტებთან საუბრისას აღნიშნა, ივლისიდან ქვეყანაში დღეში 20-25 ათასი ადამიანი უნდა აიცრას.

„ქვეყანა ივლისიდან უნდა გადავიდეს მასობრივ ვაქცინაციაზე. თუ დღეს ჩვენ ყოველდღიურად ვაკეთებთ 5-6 ათას აცრას, ივლისიდან ეს უნდა ავიდეს 20-25 ათასამდე.

მომავალი 6 თვის განმავლობაში უნდა ვაკეთოთ 20-25 ათასი აცრა, რათა მივაღწიოთ ჩვენს სამიზნეს, აიცრას მილიონ 700 ათასი მოზრდილი ადამიანი.

ამისთვის შესაბამისი მარაგები დიდი ალბათობით გარანტირებულია. ამიტომაც ვემზადებით ივნისის განმავლობაში, რომ ეს ძალიან რთული, მაგრამ ძალიან აუცილებელი ამოცანა შევასრულოთ“,-აღნიშნავს გამყრელიძე.

რაც შეეხება ეპიდვითარებას, როგორც გამყრელიძე აცხადებს, „ეპიდსიტუაცია უმჯობესდება, მაგრამ ამან არ უნდა გაგვათამამოს, არ უნდა მივეცეთ თვითკმაყოფილებას“.

ანდრო გოცირიძე - 3+3-ის ფორმატის უსარგებლობა და საფრთხის შემცველობა ცხადია, უკრაინაში მიმდინარე მოვლენების ფონზე მასში საქართველოს გაწევრიანება, შესაძლოა, რუსეთიდან ჩვენზე ზეწოლის ერთ-ერთი მიმართულებაც იყოს
ქართული პრესის მიმოხილვა 17.01.2022
იოსებ ბარათაშვილი - ხაზარაძე-ჯაფარიძისა და წერეთლის საქმე  ერთი მხრივ, შერჩევითი და შეკვეთილი  მართლმსაჯულების, ხოლო მეორე მხრივ კი გამოძიების მწარმოებელი ორგანოს არაკომპეტენტურობის ნიმუშია
თბილისში დავით წინასწარმეტყველის ბიუსტი გაიხსნა
„კარფურისა“ და Mastercard-ის შეთავაზება გრძელდება - „კარფურის“ მიტანის სერვისის ახალი აპლიკაცია შოპინგს კიდევ უფრო მოსახერხებელს ხდის
„სილქფესტი“ ულიმიტო სასაუბრო პაკეტებს ინტერნეტის სასურველ პირობასთან ერთად გვთავაზობს!
IONIQ 5-ისა და TUCSON-ის ჰოლივუდური დებიუტი ახალ სპაიდერმენში