ჯანდაცვის სამინისტროს წარმომადგენლის ინფორმაციით, ამ ეტაპზე ნინოწმინდის ბავშვთა პანსიონიდან გაყვანილია 20 ბენეფიციარი, მათ შორის შვიდი შეზღუდული შესაძლებლობის სტატუსის მქონე არასრულწლოვანი.

როგორც მან ადგილზე მყოფ ჟურნალისტებს განუცხადა, ბავშვები გადანაწილებული არიან სახელმწიფო ზრუნვის ალტერნატიულ სერვისებში.

“ესენია მცირე საოჯახო ტიპის სახლი, მინდობითი აღზრდა. ზოგიერთი არასრულწლოვანი ამ ეტაპზე განთავსებულია ბიოლოგიურ ოჯახში. სოციალური მუშაკები ყველა სიტუაციაში ინდივიდუალურად მოქმედებენ, ადგილზე აფასებენ გარემოებებს და მათი შედარებით პასიურ როლში ყოფნა ბავშვებისთვის უფრო მეტი ზიანის მიყენებისგან დაცვის მიზანს, მათი ფუნდამენტური უფლებების დაცვას ემსახურებოდა“, - განაცხადა ჯანდაცვის სამინისტროს წარმომადგენელმა.