მათ აღარ ექნებათ ის მარტივი ცხოვრება, რომელიც აქამდე ჰქონდათ. მე მას ჰაკიმ ფაშას არ დავუძახებ იმიტომ, რომ მთავარი საკითხი ის კი არაა, მას რას დავუძახებთ, არამედ დავუსვათ კითხვები, რაც ხალხს აინტერესებს, - ამის შესახებ “სტრატეგია აღმაშენებლის” ლიდერმა გიორგი ვაშაძემ ჟურნალისტებს პრემიერ-მინისტრის ანგარიშთან დაკავშირებით განუცხადა.

როგორც ის აღნიშნავს, პრემიერ-მინისტრის ანგარიშთან დაკავშირებით “ძალიან მძიმე შეკითხვები ექნებათ”.

“ჩვენ ვიქნებით ხალხის ხმა პრემიერის ანგარიშის განხილვის დროს. ვისაც სურვილი აქვს, მოგვაწოდოს შეკითხვები”, - განაცხადა ვაშაძემ.

ცნობისთვის, პარლამენტის ბიუროს, სამთავრობო პროგრამის შესრულების თაობაზე პრემიერ-მინისტრის წერილობითი ანგარიში დღეს წარედგინება.

ამავე დოკუმენტით ირაკლი ღარიბაშვილი პლენარული სხდომაზეც გამოვა. პრემიერ-მინისტრის მოხსენებით წარდგომის ზუსტ დროს ბიურო განსაზღვრავს.

პრემიერ-მინისტრის ანგარიში 151-გვერდიანია. როგორც ანგარიშში ვკითხულობთ, კორონავირუსით გამოწვეულმა პანდემიამ მნიშვნელოვანი უარყოფითი გავლენა მოახდინა მსოფლიოს განვითარების ტემპებზე. განსაკუთრებული გავლენა ნათელია განვითარებად ქვეყნებზე, მათ შორის, საქართველოზე.