ფინანსთა მინისტრი ლაშა ხუციშვილი საქართველოში იაპონიის ელჩს, აკირა იმამურას შეხვდა

დღეს, ფინანსთა სამინისტროში გამართულ შეხვედრაზე ფინანსთა მინისტრმა ლაშა ხუციშვილმა და იაპონიის საგანგებო და სრულუფლებიანმა ელჩმა საქართველოში, აკირა იმამურამ საქართველოსა და იაპონიას შორის თანამშრომლობის საკითხები განიხილეს. ამის შესახებ ინფორმაცაის ფინანსთა სამინისტრო ავრცელებს.

მათივე ინფორმაციით, ფინანსთა მინისტრმა ელჩს საქართველოსთვის გაწეული მხარდაჭერისთვის, განსაკუთრებით, გლობალური პანდემიის პირობებში, მადლობა გადაუხადა.

„გასული წლის ივლისში, მაღალტექნოლოგიური სამედიცინო აპარატურისა და აღჭურვილობის შესაძენად, იაპონიის მთავრობამ, დაახლოებით, 2.8 მლნ აშშ დოლარი გამოყო. მნიშვნელოვანია, რომ რამდენიმე თვის წინ, საქართველოსა და იაპონიას შორის ხელი მოეწერა „შემოსავლებსა და კაპიტალზე ორმაგი დაბეგვრის თავიდან აცილებისა და გადასახადების გადაუხდელობის და გადასახადების თავიდან არიდების აღკვეთის შესახებ” კონვენციას, რომელმაც ჩაანაცვლა იაპონიასა და საბჭოთა კავშირს შორის 1986 წელს დადებული შეთანხმება. ეს ახალი სამართლებრივი დოკუმენტი, ხელს შეუწყობს ორ ქვეყანას შორის ეკონომიკური თანამშრომლობის გაღრმავებასა და ინვესტიციების მოზიდვას. მრავალი წელია იაპონიის მთავრობა ქვეყანას ეხმარება როგორც შეღავათიანი სასესხო ინსტრუმენტებით, ისე არასაპოროექტო გრანტებისა და ცოდნის გაზიარების მიმართულებით“, - აღნიშნა ლაშა ხუციშვილმა.

მან ხაზი გაუსვა იმ პროექტების მნიშვნელობას, რომელიც ქვეყანაში იაპონიის საერთაშორისო თანამშრომლობის სააგენტოს (JICA) მხარდაჭერით ხორციელდება, მათ შორისაა, აღმოსავლეთ-დასავლეთის ავტომაგისტრალის გაუმჯობესების პროექტი.

„იაპონიის მთავრობის მიერ საგრანტო დახმარების ფარგლებში გამოყოფილი 4.2 მილიონი აშშ დოლარი მოხმარდა შინაგან საქმეთა სამინისტროსთვის 96 ელექტრო და ჰიბრიდული ავტომობილის შეძენას. ასევე, მნიშვნელოვანია პროექტი „Clean Energy by Solar Electricity Generation“, რომლის ფარგლებშიც, მზის პანელები გადაეცა და დამონტაჟდა თბილისის საერთაშორისო აეროპორტისა და ილიას სახელმწიფო უნივერსიტეტის ტერიტორიებზე. როგორც მხარეებმა აღნიშნეს, ამგვარი ტიპის პროექტების განხორციელება, მნიშვნელოვანია თანამედროვე ტექნოლოგიების დანერგვისა და განახლებადი ენერგიის პოპულარიზაციის მიზნით.

შეხვედრის დასასრულს, მხარეებმა გამოთქვეს იმედი, რომ ორ ქვეყანას შორის პარტნიორობა მომავალ წლებშიც წარმატებით გაგრძელდება. იაპონიის არასამთავრობო პროექტის საგრანტო დახმარების პროგრამის ფარგლებში, იაპონიის მთავრობამ 1997 წლიდან, დაახლოებით, 7 მილიარდი იაპონური იენი (დაახლოებით 43 მილიონი აშშ დოლარი) გადასცა საქართველოს მთავრობას სოფლის მეურნეობის, გარემოსა და ჯანდაცვის სექტორების, მუნიციპალიტეტების განვითარებისთვის“, - ნათქვამია ინფორმაციაში.

ეკატერინე ციმაკურიძე - განსაკუთრებული პრობლემაა ხელისუფლების მცდელობები თავი აარიდოს 19 აპრილის შეთანხმების ისე შესრულებას, როგორც ეს თავად ამ შეთანხმებითაა ნაგულისხმევი
ქართული პრესის მიმოხილვა 23.06.2021
სტეპან გრიგორიანი - ფაშინიანმა არჩევნები იმის გამო მოიგო, რომ სომეხმა ხალხმა ყარაბაღის ომში დამარცხება მას არ დაუკავშირა
ჭარბი წონა მსოფლიოში არა მხოლოდ პრობლემა,  დიდი ხანია, პანდემიაა (R)
"თბილისის ბალნეოლოგიურ კურორტში“ კონფერენცია „კურორტოლოგიის როლი მედიცინაში“ გაიმართა
ტერაბანკმა FMO-სგან გრძელვადიანი დაფინანსება მიიღო