გურამ მაჭარაშვილი ზურაბ ჯაფარიძეზე - კომიკური და საზოგადოების შეურაცხყოფაა, მანდატს იყენებ, მერე კი მიდიხარ და გინდა, პარლამენტის დადგენილება გააუქმო

კომიკურია და საზოგადოების შეურაცხყოფაა, რომ გამოიყენო მანდატი და მერე მიდიხარ და გინდა, რომ გააუქმო პარლამენტის ის დადგენილება, რომელმაც უარი გითხრა უფლებამოსილების შეწყვეტაზე,- ასე გამოეხმაურა საპარლამენტო უმრავლესობის წევრი გურამ მაჭარაშვილი პარტია „გირჩი- მეტი თავისუფლების“ ლიდერის ზურაბ ჯაფარიძის მიერ საკონსტიტუციო სასამართლოში წარმოებულ საქმეს, საპარლამენტო მანდატის გაუქმებასთან დაკავშირებით.

მაჭარაშვილის განცხადებით, ზურაბ ჯაფარიძე აცხადებდა, რომ მანდატს დახევდა, თუმცა ამის მიუხედავად რამდენჯერმე გამოიყენა საკუთარი უფლებამოსილება, რაც თავის მხრივ კომიკურს ხდის საკონსტიტუციო სასამართლოში სარჩელის შეტანის ფაქტს.

„რა თქმა უნდა, არ არის კარგი, რომ ბოიკოტის რეჟიმში იქნებიან თვეებისა და წლების განმავლობაში, მაგრამ ეს არის ამომრჩევლების გადასაწყვეტი, შემდგომ აირჩევენ თუ არა კიდევ ასეთ პოლიტიკურ ძალას, მაგრამ ეს არის ლეგიტიმური.

ზურაბ ჯაფარიძე იფიცებოდა, რომ მანდატს დავხევო და არ შევალ პარლამენტშიო, მაგრამ შემდგომ გამოიყენა მანდატი. კარგია რომ გამოიყენა, არავისთვის არ გვითქვამს რატომ შემოხვედითო, უბრალოდ პრინციპი შევახსენეთ. კარგია რომ გამოიყენა, მაგრამ ის არის კომიკური და საზოგადოების შეურაცხყოფა, რომ გამოიყენა მანდატი და მერე მიდიხარ და გინდა, რომ გააუქმო პარლამენტის ის დადგენილება, რომელმაც უარი გითხრა უფლებამოსილების შეწყვეტაზე“, - განაცხადა მაჭარაშვილმა.

ხათუნა ბურკაძე - შეცვლილ საერთაშორისო გარემოში საქართველოს ალიანსში წევრობისათვის აუცილებელია ქვეყნის ახალი ფუნქციის გამოკვეთა
ქართული პრესის მიმოხილვა 17.06.2021
ზაზა ფირალიშვილი - სამწუხაროდ, ჩვენი პოლიტიკური სპექტრი და უბრალო ადამიანები განსხვავებულ სამყაროებში ცხოვრობენ, ვფიქრობ, ეს არის სერიოზული პოლიტიკური, უფრო მეტიც, საზოგადოებრივი კრიზისის ნიშანი
„ბრითიშ ამერიკან ტობაკო“ - კომპანია მსოფლიოს მასშტაბით აქტიურად არის ჩართული არალეგალური თამბაქოს პროდუქტებთან ბრძოლაში და თანამშრომლობს მრავალი ქვეყნის შესაბამის სტრუქტურებთან
კომპანია "ოთი ისთეითს" ინდონეზიის საელჩოს რწმუნებული ეწვია
"ფილიპ მორის საქართველო" თამბაქოს არალეგალურ ვაჭრობასთან დაკავშირებით პარლამენტში გამართულ დისკუსიას ეხმაურება
საქართველოს უნივერსიტეტის საჩუქარი 2021 წელს ჩარიცხული სტუდენტებისთვის