გიორგი გახარია ბაჩალიაშვილის ოჯახთან შეხვედრაზე - ნებისმიერი ჩართულობა, პრემიერის ან მაღალი თანამდებობის პირების, სანამ გამოძიება ბოლოში არაა გასული, სწორი არ არის

ნებისმიერი ჩართულობა, პრემიერის ან სხვა მაღალი თანამდებობის პირების, სანამ გამოძიება ბოლოში არ არის გასული, არ არის სწორი,-ასე უპასუხა ყოფილმა პრემიერმა, პარტია „საქართველოსთვის“ ლიდერმა, გიორგი გახარიამ ჟურნალისტების კითხვას, რატომ არ შეხვდა პრემიერობის დროს თამარ ბაჩალიაშვილის ოჯახს და აქვს თუ არა კითხვები საქმესთან დაკავშირებით.

მისი შეფასებით, ბოლო წლების განმავლობაში ბევრი საქმე პოლიტიკურ შეფერილობას იღებდა და შემდგომ მას პოლიტიკურ ბრძოლაში იყენებდნენ.

„ყველანი უნდა მივეჩვიოთ იმას, რომ კონკრეტული სისხლის სამართლის საქმეები უნდა ჩაატაროს შესაბამისმა უწყებებმა, შსს-მ და პროკურატურამ, საგამოძიებო უწყებებმა. ნებისმიერი ჩართულობა, პრემიერის ან სხვა მაღალი თანამდებობის პირების, სანამ გამოძიება ბოლოში არ არის გასული, არ არის სწორი. სამწუხაროდ, ბევრი სისხლის სამართლის საქმე გვქონია ბოლო წლების განმავლობაში, რომელიც ჩემთვისაც ძალიან სამწუხაროდ, პოლიტიკურ შეფერილობას იღებდა და შემდგომ ამ საქმეების პოლიტიკურ ბრძოლაში გამოყენება ხდებოდა. ყოველთვის ვცდილობდი, რომ იქ, სადაც მაღალი კვალიფიკაციის და კომპეტენტური პოლიციელები, პროკურატურის თანამშრომლები იძიებენ კონკრეტულ სისხლის სამართლის საქმეს, მათ იმის შესაძლებლობა უნდა მივცეთ, რომ ეს საქმე პროფესიონალურად, ბოლომდე მიიყვანონ“, - განაცხადა გახარიამ.

ცნობისთვის, თამარ ბაჩალიაშვილი 2020 წლის 18 ივლისს გაუჩინარდა. ის 5-დღიანი ძებნის შემდეგ თეთრიწყაროს ტყესთან, საკუთარ მანქანაში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა. პროკურატურის ინფორმაციით, მან სიცოცხლე თვითმკვლელობით დაასრულა.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა