„მსოფლიო საოჯახო კონგრესის“ პრეზიდენტი - ჩვენ განვიხილავთ საქართველოში ჩატარდეს კონფერენცია მსოფლიოს კონსერვატორი ლიდერების მონაწილეობით

ჩვენ განვიხილავთ საქართველოში ჩატარდეს კონფერენცია მსოფლიოს კონსერვატორი ლიდერების მონაწილეობით, - ამის შესახებ „მსოფლიო საოჯახო კონგრესის“ პრეზიდენტმა ბრაიან ბრაუნმა მოძრაობა „ერთობა, რაობა, იმედის“ ხელმძღვანელ ლევან ვასაძესთან ერთად გამართულ პრესკონფერენციაზე განაცხადა.

როგორც ბრაიან ბრაუნმა განმარტა, როდის გაიმართება აღნიშნული კონფერენცია, თარიღს ჯერ ვერ დაასახელებს. გარდა ამისა, ბრაიან ბრაუნმა აღნიშნა, რომ ის იზიარებს მოძრაობა „ერთობა, რაობა, იმედის“ პოზიციას და მზადაა დახმარებისთვის. მისი თქმით, მისი მიზანია ამერიკის შეერთებულ შტატებში და საერთოდ დასავლეთში გაავრცელოს ინფორმაცია საზოგადოებრივ მოძრაობა „ერთობა, რაობა, იმედის“ შესახებ.

„წლების მანძილზე მინდოდა, ლევან ვასაძეს ასეთი საზოგადოებრივი ორგანიზაცია დაეფუძნებინა. მისი ოჯახი და ის მიმაჩნია ძალიან ახლობლად. მას შემდეგ, რაც ჩვენ პირველად შევხვდით, მიმაჩნდა, რომ ლევანი არის ლიდერი, რომელსაც მხარს დავუჭერდი. ხვალ დილით გავფრინდები სახლში და მალე დავბრუნდები თბილისში. ჩემი მიზანია, რომ შეერთებულ შტატებში და საერთოდ დასავლეთში გავავრცელო ინფორმაცია საზოგადოებრივი მოძრაობა „ერთობა, რაობა, იმედის“ შესახებ, ეს მესიჯი გზავნილი, რომ არის იმედი, ნამდვილი, კონსერვატიული დროშა აღიმართოს საქართველოში. ჩვენ გვყავს მთელ მსოფლიოში ჯგუფები, რომლებიც არიან მსოფლიო საოჯახო კონგრესის, როგორც დიდი პლატფორმის პარტნიორები“, - განაცხადა ბრაიან ბრაუნმა.

მისივე განმარტებით, ბევრ პოლიტიკურ ლიდერს იცნობს ამერიკაში და იმედოვნებს, რომ ლევან ვასაძეს დონალდ ტრამპს შეახვედრებს.

„ძალიან ოპტიმისტურად და იმედიანად ვართ განწყობილი იმის თაობაზე, რომ ლევანს ჩამოვიყვანთ ამერიკაში, შევახვედრებთ ლიდერებს - კონგრესის წევრებს, მათ შორის ტრამპს... მთელი მსოფლიოდან მხარდაჭერის მოზიდვა არის ის, რის გაკეთებსაც ვეცდები“, - აცხადებს ბრაუნი.

ეკატერინა ციმაკურიძე - კრიზისის დასრულებისთვის საჭიროა ხელისუფალს გააჩნდეს თანამშრომლობის ნება და კონსენსუსის უნარი
ქართული პრესის მიმოხილვა 24.01.2022
რაულ ჩილაჩავა - აშშ რუსეთის პრეტენზიებზე მომავალ კვირაში გასცემს წერილობით პასუხს, ეს უკვე საინტერესოა, დაველოდოთ
ჰიუნდაიმ რობოტექნიკისა და მეტავერსის მიმართულებით საკუთარი ხედვები მედიასა და ვიზიტორებს CES 2022-ის ფორუმზე წარუდგინა
„ავერსის“ აფთიაქებში საპენსიო ასაკის მოქალაქეებისა და დევნილებისთვის ყოველდღე ყველაზე დაბალი ფასებია
თბილისის მერიის 500-ლარიანი ვაუჩერი PSP-ში 700 ლარის ტოლფასია (R)
100 ქართული ბიზნესი ერთ ფეისბუქ მაღაზიაში - ტერაბანკის ახალი ინიციატივა