მამუკა მდინარაძე - დამთხვევები ყოველთვის ბადებს ეჭვს - „ნაცმოძრაობის“ და „ქართული ოცნების“  პრემიერის მიზნები ერთმანეთს დამთხვეოდეს, ასეთი დამთხვევები აქამდე არ იყო

თუ კონკრეტულ რომელიმე შემთხვევაში არ არსებობს მტკიცებულებები პირის ბრალეულობის დასადგენად, ამ შემთხვევაში გამოძიება არ იწყება ხოლმე, - ამის შესახებ ფრაქცია „ქართული ოცნების“ თავმჯდომარე მამუკა მდინარაძემ ჟურნალისტებს ყოფილი პრემიერ-მინისტრის, პარტია "საქართველოსთვის“ ლიდერ გიორგი გახარიას წინააღმდეგ გამოძიების შესაძლო დაწყებასთან დაკავშირებით განუცხადა.

მისი თქმით, შესაძლო ბრალეულობაზე სამართალდამცავები მაშინ ისაუბრებენ, თუ კონკრეტული ფაქტები ექნებათ.

„პირველად გიპასუხებთ, როგორც იურისტი. თუ კონკრეტულ რომელიმე შემთხვევაში არ არსებობს მტკიცებულებები პირის ბრალეულობის დასადგენად, ამ შემთხვევაში გამოძიება არ იწყება ხოლმე. მინიმუმ გონივრული ეჭვი უნდა იყოს რაღაც კონკრეტული დანაშაულის. როდესაც პოლიტიკოსები საუბრობენ ძალიან საეჭვო დამთხვევებზე, მაგალითად იმაზე, რომ 2-3 დღეს, რომელსაც ითხოვდა კონკრეტული ადამიანი გადასავადებლად იმ კონკრეტული ღონისძიების და ამ დროს იყო კონკრეტული ინფორმაცია და ის 2-3 დღე სხვა მხრიდანაც იყო გახმოვანებული, ეს არის ძალიან სერიოზული. ამაზე ჩემი აზრით, სამართალდამცავები მაშინ ილაპარაკებენ, თუ კონკრეტული რაიმე ფაქტები ექნებათ. დამთხვევები ყოველთვის ბადებს ეჭვს, ასეთი ეჭვის საფუძველი გაგვაჩნდა. ამაზე ვისაუბრებთ და ვსაუბრობთ, მაგრამ აქამდეც არ იყო ასეთი დამთხვევები, რომ „ნაცმოძრაობის“ და „ქართული ოცნების“ პრემიერ-მინისტრის მიზნები ერთმანეთს დამთხვეოდეს. არ იყო ასეთი დამთხვევები აქამდე“, - განაცხადა მდინარაძემ.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
"გალფის" ინიციატივით 100 პირველკურსელს, რომელმაც ერთიან ეროვნულ გამოცდებში უმაღლესი ქულები მიიღო, ერთწლიანი ყოველთვიური სტიპენდია დაენიშნება
„საქართველოს ბანკის“ აქციების ღირებულება რეკორდულ მაქსიმუმზეა
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის