უზენაეს სასამართლოში მოსამართლეთა ფიცის დადების ცერემონია გაიმართა. იუსტიციის უმაღლესი საბჭოს ინფორმაციით, ფიცი ოცდაორმა ახლად განწესებულმა მოსამართლემ დადო. კერძოდ, ირაკლი ჩიკაშუა, ეკატერინე ელიაძე, ლიელა ფოლადიშვილი, უჩა თოდუა, ეკატერინე ობოლაძე, ნინო ენუქიძე, რომეო ტყეშელაშვილი, თეა კალანდაძე, ლიანა კაჟაშვილი, სალომე სამხარაძე, სალომე გველესიანი, თორნიკე კაპანაძე, მაია ჯავახიშვილი, გიორგი თუნაური, ალექსანდრე გზირიშვილი, ეკატერინე ბებია, ლევან ყოლბაია, კოტე ჭილაია, დავით მაკარაძე, გიორგი გელაშვილი, თამარ მჭედლიშვილი, ნანა შამათავა სხვადასხვა რაიონულ(საქალაქო) სასამართლოში განწესდნენ.

მათივე ცნობით, ახლადგანწესებული მოსამართლეები უფლებამოსილების განხორციელებას 2021 წლის 18 ივნისიდან შეუდგებიან. საზეიმო ღონისძიებას უზენაესი სასამართლოს თავმჯდომარე, იუსტიციის უმაღლესი საბჭოს მდივანი, წევრები და უზენაესი სასამართლოს მოსამართლეები დაესწრნენ.