კელი დეგნანი - ვიმედოვნებთ, რომ „ნაციონალური მოძრაობა“ შეთანხმების დოკუმენტის ხელმოწერას გადაწყვეტს

ჯერ კიდევ ვიმედოვნებთ, რომ „ერთიანი ნაციონალური მოძრაობა“ გადაწყვეტს შეთანხმების დოკუმენტის ხელმოწერას,- ამის შესახებ საქართველოში ამერიკის შეერთებული შტატების ელჩმა კელი დეგნანმა განაცხადა.

მისი თქმით, ძალიან მნიშვნელოვანია, რომ „ნაციონალური მოძრაობა“ პარლამენტში შევიდა და სამუშაო პროცესს შეუერთდა, თუმცა ასევე მნიშვნელოვანია, რომ მან მონაწილეობა მიიღოს იმ რეფორმების პროცესში, მათ შორის, საკონსტიტუციო ცვლილებების მიმართულებით, რომელიც საქართველოს დემოკრატიას კიდევ უფრო გააძლიერებს.

„მნიშვნელოვანი იყო, რომ ისინი შეუერთდნენ პარლამენტს, მნიშვნელოვანია, რომ ისინი არიან რეფორმების ნაწილი, რომელიც განსაზღვრულია 19 აპრილის შეთანხმებით და ის, რომ მათ აჩვენეს, რომ ქართველების ინტერესებს უფრო წინ აყენებენ. მომავალ კვირას პლენარულ სესიებზე ჯერ კიდევ რჩება ძალიან მნიშვნელოვანი ინიციატივები, რომელთა მიღება აუცილებელია 19 აპრილის შეთანხმებით აღებული ვალდებულებების შესრულებისთვის, მათ შორის, საკონსტიტუციო ცვლილებების ინიცირება, რაც ასევე შესულია შეთანხმების დოკუმენტში. ეს არის სასიცოცხლოდ მნიშვნელოვანი, რომ განხორციელდეს მნიშვნელოვანი რეფორმები საარჩევნო სოსტემაში, ასევე სასამართლო სისტემაში. თუ ამ საკნონსტიტუციო ცვლილებების განხორციელება არ იქნება ინიცირებული შემდეგ კვირას, ეს იქნება კიდევ ერთი მითითება იმაზე, რომ არის პოლიტიკური ნების ნაკლებობა მმართველი ძალისა და სხვა პარტიების მხრიდან, შეთანხმებით აღებული ვალდებულებების შესრულებაზე.

ჩემი აზრით, ძალიან მნიშნელოვანია, რომ „ნაციონალურმა მოძრაობამ“ მოაწეროს ხელი დოკუმენტს და დაიწყოს მუშაობა პარლამენტში სხვა პარტიებთან ერთად, ამ მნიშვნელოვან რეფორმებზე, რაც კიდევ უფრო მეტად გააძლიერებს საქართველოს დემოკრატიას“, - განაცხადა კელი დეგნანმა.

გიორგი ბილანიშვილი - ჩვენი სტრატეგიული პარტნიორებისგან განსხვავებით, მოსკოვი ნამდვილად არ უნდა იყოს უკმაყოფილო იმით, რაც ახლა საქართველოში ხდება
ქართული პრესის მიმოხილვა 04.08.2022
ხათუნა ბურკაძე - აგვისტოს ომიდან 14 წლის განმავლობაში რუსეთის უცვლელი, უკიდურესად აგრესიული პოლიტიკის შესაჩერებლად საერთაშორისო სისტემის გარდაქმნაა აუცილებელი
სოფიო გრაკალიშვილი  - საქართველოს სადაზღვევო ჯგუფის სურვილია მომხმარებელმა ყველაფერი იცოდეს დაზღვევის პირობების შესახებ და საინფორმაციო ფურცელზე ხელმოწერა არ იყოს ფორმალური პროცედურა
„ფინანსთა მინისტრის გადაწყვეტილება ბიზნესის საუკეთესო ინტერესებზეა ორიენტირებული“ - ლოგისტიკური კომპანია საბაჟო დეპარტამენტის ნაბიჯს მიესალმება