საქართველოს შინაგან საქმეთა სამინისტროს ინფორმაციით, ტერიტორიაზე, სადაც "თბილისი პრაიდის" ღონისძიება მიმდინარეობს, სამართალდამცველებთან დაპირისპირებისას კვირეულის მოწინააღმდეგე 11 პირი დააკავეს.

როგორც "ინტერპრესნიუსს" შსს-ში განუცხადეს, დაკავება ადმინისტრაციული წესით მოხდა.

შეგახსენებთ, "თბილისი პრაიდის" კვირეულის ფარგლებში დახურული ღონისძიება მიმდინარეობს. ტერიტორიაზე მივიდნენ კვირეულის მოწინააღმდეგე ჯგუფები. ადგილზე რამდენჯერმე მოხდა სამართალდამცველებს და პრაიდის მოწინააღმდეგეებს შორის დაპირისპირება. ისინი ცდილობდნენ "პრაიდის" მონაწილეებთან მიახლოებას, რისი საშუალებაც სამართალდამცველებმა არ მისცეს. აქციის მონაწილეები ისროდნენ კვერცხებს, ბოთლებსა და ქვებს.