საქართველოს გენერალურ პროკურატურაში, ქუთაისის აკაკი წერეთლის სახელმწიფო უნივერსიტეტის ინიციატივით, სტუდენტებთან შეხვედრა გაიმართა. ინფორმაციას ამის შესახებ გენერალური პროკურატურა ავრცელებს.
მათივე ცნობით, შეხვედრის ფარგლებში, პროკურორებმა სტუდენტებს საქართველოს პროკურატურის სტრუქტურა, ამოცანები, პრინციპები და უფლებამოსილება გააცნეს. უწყების თანამშრომლებმა საქართველოს პროკურატურის სტრატეგიასა და პრიორიტეტულ მიმართულებებზე ისაუბრეს. ასევე, სტუდენტებმა საქართველოს პროკურატურაში სტაჟირების, პრაქტიკისა და დასაქმების პრინციპების შესახებ მიიღეს ინფორმაცია.
„ახალგაზრდების განვითარების ხელშეწყობისა და სამართლებრივი ცნობიერების ამაღლების მიზნით, პროკურატურა სხვადასხვა უმაღლეს სასწავლებლებსა და სტუდენტურ ორგანიზაციებთან აქტიურად თანამშრომლობს. უწყების მხრიდან, მიზნობრივი პროექტების განხორციელება მომავალშიც აქტიურად გაგრძელდება,“- ნათქვამია განცხადებაში.