ქაშუეთის ტაძარში პარაკლისი აღევლინა. პარაკლისი საპატრიარქოს ტახტის მოსაყდრე, სენაკისა და ჩხოროწყუს მიტროპოლიტმა, მეუფე შიომ რამდენიმე ეპარქიის ეპისკოპოსთან ერთად აღავლინა.
მეუფე შიოს განცხადებით, რამდენჯერაც მსგავსი ღონისძიების ჩატარების მცდელობა იქნება, ერი ყოველთვის გამთლიანდება ამის წინააღმდეგ. მან დღის განმავლობაში დაფიქსირებულ ძალადობრივ ფაქტებს გადაცდომა უწოდა და არაკორექტული ქმედებების გამო მწუხარება გამოთქვა.
მრევლის ნაწილი ქაშუეთის ეკლესიაში დარჩა, ნაწილმა კი პარლამენტის წინ პრაიდის მოწინააღმდეგეების მიერ ორგანიზებულ აქციაზე გადაინაცვლა, სადაც სიტყვით გამოსვლები გრძელდება.