ჩეხეთის ელჩი - საქართველოში დემოკრატიის ბედი სასწორზეა და ყველა აქტორმა, მათ შორის მთავრობამ, სრული პასუხისმგებლობით უნდა იმოქმედოს

შოკირებული ვარ თბილისში ძალადობის, ჟურნალისტებსა და არასამთავრობო ორგანიზაციების ოფისებზე თავდასხმის სცენებით, დამნაშავეებმა დაუყოვნებლივ უნდა აგონ პასუხი, - ამის შესახებ საქართველოში ჩეხეთის ელჩი პეტრ მიკისკა „ტვიტერში“ წერს, რითაც თბილისში გუშინ განვითარებულ მოვლენებს ეხმიანება.

„კონსტიტუციური უფლებები და თავისუფლებები კი აღდგენილ უნდა იქნას. საქართველოში დემოკრატიის ბედი სასწორზე დევს და ყველა აქტორმა, მათ შორის მთავრობამ, უნდა იმოქმედოს სრული პასუხისმგებლობით“, – წერს ელჩი.