გრიგოლ ვაშაძე - თუ ხელისუფლებას დაწერილი აქვს 2024 წელს ევროკავშირში წევრობაზე გასაგზავნი განცხადება, შეუძლია დაახვიოს და წაიღოს ეროვნულ არქივში, როგორც ისტორიული კურიოზი

თუ ხელისუფლებას დაწერილი აქვს 2024 წელს ევროკავშირში წევრობაზე გასაგზავნი განცხადება, შეუძლია დაახვიოს და წაიღოს ეროვნულ არქივში როგორც ისტორიული კურიოზი, რადგან პარლამენტის ფანჯრიდან რომ დაიყვირონ, ზუსტად ისეთივე შედეგი ექნება, როგორც ბრიუსელში იმ ქაღალდის გაგზავნას და გაცილებით იაფი დაჯდება,- ამის შესახებ საპარლამენტო ფრაქცია „შარლ მიშელის რეფორმების ჯგუფის“ წევრმა გრიგოლ ვაშაძემ ჟურნალისტებს “პრაიდთან” დაკავშირებით განვითარებული მოვლენების შეფასებისას განუცხადა.

როგორც ის აღნიშნავს, “პრაიდის” მოვლენებით გამოჩნდა, რომ საქართველოს მოქალაქეებზე კანონმდებლობა თანაბრად არ ვრცელდება.

“მე, როგორც საქართველოს მოქალაქეების აბსოლუტური უმრავლესობა, სასოწარკვეთილი ვარ იმის გამო, რაც რამდენიმე დღის განმავლობაში საქართველოში ხდებოდა. ამ უმსგავსობის პირველი შედეგი არის ის, რომ აღმოჩნდა, რომ საქართველოს მოქალაქეებზე კონსტიტუცია და საქართველოს კანონმდებლობა თანაბრად არ ვრცელდება. ანუ ადამიანს შეიძლება აუკრძალონ ის, რაც მას კონსტიტუციით აქვს მინიჭებული - შეკრების, მსვლელობის, სიტყვის და ა.შ. თავისუფლება. თუ ეს იყო მშვიდობიანი მანიფესტაცია, საერთოდ არ მაინტერესებს, ვისი მანიფესტაცია უნდა შემდგარიყო - სექსუალური უმცირესობების, შევარდენით მონადირეების, ველოსიპედისტების თუ არქივარიუსების. საერთოდ არ მაინტერესებს. კონსტიტუცია ან გვაქვს, ან არ გვაქვს. მეორე შედეგი არის ის, რომ მთელ მსოფლიოს დავანახეთ, რომ ჩვენთვის თავისუფალი პრესის წარმომადგენლები არაფერს ნიშნავს. ამ ადამიანებს შეიძლება ურტყა, დაამცირო, აგინო და სახელმწიფოს ორგანოებიდან გამომსარჩლებელი არავინ ჰყავთ. მათი პროფესიული ვალდებულების შესრულების დროს ეს ადამიანები შეიძლება სცემონ და მორალურად დაამცირონ”,- განაცხადა ვაშაძემ.

მისივე თქმით, აღნიშნული მოვლენებით გამოჩნდა, რომ “სამწუხაროდ, საპატრიარქოში არის ჩაბუდებული შავრაზმელების ნაწილი, რომელთა მთავარი მიზანი მანიფესტაციები კი არ არის, არამედ საქართველოს ევროკავშირში და ნატო-ში გაწევრიანებისთვის ხელის შეშლა”.

ოთარ ჯანელიძე - რუსეთიდან შემომსვლელ მიგრანტებთან დაკავშირებით უნდა იგრძნობოდეს, რომ ვმოქმედებთ, როგორც სახელმწიფო
ქართული პრესის მიმოხილვა 26.09.2022
დიტერ ბოდენი - ქართულ-აფხაზური ურთიერთობების მოწესრიგების პროცესში საქართველო უნდა იყოს ლიდერი, სამწუხაროდ, ამ ეტაპზე ქართული მხრიდან ამას ვერ ვხედავ
სვისმედკომერსი - უმტკივენულო ანესთეზიის ტექნოლოგიის დანერგვა საქართველოს ბაზარზე
ლისის ტბაზე LISI VIBES გაიმართება
ლიბერთიმ მეთხილე ფერმერებისთვის ახალი აგროპროექტი დაიწყო
განახლებული ვაკის საცურაო აუზი ახალ სეზონს მასპინძლობს
ლიბერთის ახალი აქცია სამომხმარებლო სესხზე